ട്വിറ്ററില് ടൂ ഫാക്ടര് ഒതന്റിക്കേഷന് ലഭ്യമാകുന്നതിന് ഇനി മുതല് ഉപഭോക്താക്കള് പണം നല്കണം. ട്വിറ്ററില് ഇന്ബില്റ്റ് ആയി നല്കുന്ന എസ്എംഎസ് വഴി ലഭ്യമാകുന്ന ടൂ ഫാക്ടര് ഒതന്റിക്കേഷന് സേവനത്തിനാണ് ഇനി പണം അടയ്ക്കേണ്ടി വരിക.
ട്വിറ്ററിലെ സബ്സ്ക്രിപ്ഷന് സേവനമായ ട്വിറ്റര് ബ്ലൂവിന്റെ വരിക്കാര്ക്ക് മാത്രമാവും ഉപയോക്താവിന്റെ അക്കൗണ്ടിന് അധിക സുരക്ഷയൊരുക്കുന്ന ടൂ ഫാക്ടര് ഒതന്റിഫിക്കേഷന് സേവനം ലഭ്യമാവുക. കൂടാതെ പുതിയൊരു ഉപകരണത്തില് ട്വിറ്റര് ലോഗിന് ചെയ്യുകയാണെങ്കില് ഉപഭോക്താവിന്റെ ഫോണില് ഒരു വെരിഫിക്കേഷന് കോഡ് എസ്എംഎസ് ആയി ലഭിക്കും. ഈ കോഡ് നിര്ദ്ദിഷ്ട ഇടത്ത് നല്കിയാല് മാത്രമേ അക്കൗണ്ട് ലോഗിന് ചെയ്ത് ഉപയോഗിക്കുവാന് സാധിക്കൂ. യൂസര് നെയിമും പാസ്വേര്ഡും ഉപയോഗിച്ച് അക്കൗണ്ടുകള് ദുരുപയോഗം ചെയ്യുന്നത് തടയുക എന്ന ലക്ഷ്യത്തോടെയാണ് ഇത്തരമൊരു സംവിധാനം ഒരുക്കിയിരിക്കുന്നത്.
എന്നാല്, ട്വിറ്റര് ബ്ലൂ വരിക്കാര്ക്ക് മാത്രമാകും ഇനി മുതല് സേവനം ലഭ്യമാകുക എന്നാണ് കമ്ബനിയുടെ അറിയിപ്പ്.