വാരിയം കുന്നത്ത് കുഞ്ഞഹമ്മദ് ഹാജിയുടെ യഥാര്ത്ഥ കഥയെന്ന് അവകാശപ്പെട്ട് ‘മലബാര്സിംഹം വാരിയന്കുന്നന്’ എന്ന പേരില് പുതിയ ചിത്രത്തിന്റെ പോസ്റ്റര് പുറത്ത് വിട്ട് സംവിധായകന് ഫൈസല് ഹുസൈന്.
പോസ്റ്റിന്റെ പൂര്ണ്ണ രൂപം:
വാരിയംകുന്നത്ത് കുഞ്ഞമ്മദ് ഹാജിയെ താറടിക്കാന് വേണ്ടി നാടിന്റെ ഐക്യവും സൗഹാര്ദ്ദവും തകര്ക്കുന്ന വര്ഗീയ വിഷം ചീറ്റുന്ന സിനിമ റിലീസ് ചെയ്തത് മുഖാന്തരം ഒരു പ്രത്യേക തരം വിഭാഗത്തെ സുഖപ്പെടുത്തുമെങ്കിലും ഭൂരിപക്ഷ മതേതര വിശ്വാസികളും ചരിത്രം പഠിച്ചവരും ധീര രക്തസാക്ഷിയും സ്വാതന്ത്ര സമര സേനാനിയുമായ വാരിയംകുന്നത്ത് കുഞ്ഞഹമ്മദാജി ബാക്കിയാക്കിയ സംഭാവന കാലം ഉള്ളിടത്തോളം എന്നും സ്മരിച്ചു കൊണ്ടേയിരിക്കും…
അത്രയ്ക്ക് ഊര്ജ്ജമാണ് മാനവരാശിക്ക് വാരിയംകുന്നത്ത് കുഞ്ഞഹമ്മദാജി കൈമാറിയിട്ടുള്ളത്. വാരിയം കുന്നത്ത് കുഞ്ഞഹമ്മദ് ഹാജിയുടെ ജീവിതത്തിലെ പ്രധാന ഏടുകളെ ആസ്പദമാക്കി വാരിയംകുന്നത്ത്
കുഞ്ഞഹമ്മദ് ഹാജിയുടെ കുടുംബം’ചക്കിപ്പറമ്ബന് ഫാമിലി അസോസിയേഷന്’ നിര്മ്മിക്കുന്ന സിനിമ എന്റെ സംവിധാനത്തില് അണിയറയില് സഞ്ജമായി കഴിഞ്ഞു.
നൂറിലധികം കലാകാരന്മാര് ഭാഗമായ ചിത്രത്തിന്റെ പ്രധാന ലൊക്കേഷന് ആനക്കാംപൊയില് വന മേഖലയായിരുന്നു. ഏറെ സാഹസം നിറഞ്ഞ ചിത്രീകരണാനുഭവം പ്രേക്ഷകര്ക്ക് പുത്തന് കാഴ്ച സമ്മാനിക്കും.
മലബാര്സിംഹംവാരിയന്കുന്നന് എന്ന് പേരിട്ട ചിത്രം. ചരിത്രത്തോട് നൂറ് ശതമാനം നീതി പുലര്ത്തുകയും കള്ള പ്രചരണം നടത്തുവര്ക്കും വര്ഗീയ വിഷം ചീറ്റുന്നവര്ക്കുമുള്ള മറുപടി കൂടിയായിരിക്കും.
കൂടെ ഉണ്ടാവണം.
വിശ്വസ്ഥതയോടെ
ഫൈസല് ഹുസൈന്
(സംവിധായകന്,
‘മലബാര് സിംഹം
വാരിയന്കുന്നന്’ )