മുംബൈ: പഠാന് സിനിമയുടെ വിജയത്തിന് പിന്നാലെ പ്രേക്ഷകര്ക്ക് നന്ദി പറഞ്ഞ് നടന് ഷാരൂഖ് ഖാന്.
‘ഇത് ബിസിനസ് അല്ല. തികച്ചും വ്യക്തിപരമാണ്. പ്രേക്ഷകരെ ചിരിപ്പിക്കുകയും രസിപ്പിക്കുകയും ചെയ്യുക എന്നത് ഞങ്ങളുടെ ജോലിയാണ്. ഞങ്ങളത് വ്യക്തിപരമായി എടുത്തില്ലെങ്കില് ഒരിക്കലും വിജയിക്കില്ല. പഠാനെ സ്നേഹിച്ചവര്ക്കും സിനിമയില് പ്രവര്ത്തിച്ചവര്ക്കും നന്ദി. കഠിനാധ്വാനത്തിനും വിശ്വാസത്തിനും ഇന്നും വിലയുണ്ടെന്ന് തെളിഞ്ഞു. ജയ് ഹിന്ദ്’- ഷാരൂഖ് ട്വീറ്റ് ചെയ്തു. സിനിമയെ കുറിച്ചുള്ള നല്ല വാക്കുകള്ക്ക് സംവിധായകന് സിദ്ധാര്ഥ് ആനന്ദ് പ്രേക്ഷകരെ നന്ദി അറിയിച്ചു- ‘പഠാന് ആഗോളതലത്തില് ആളുകളെ രസിപ്പിക്കുന്നതില് എനിക്ക് അതിയായ സന്തോഷമുണ്ട്, നന്ദിയുണ്ട്. ആഗോളതലത്തില് 1000 കോടിയിലധികം സിനിമ ഇതിനകം സിനിമ നേടി. ഹിന്ദി പതിപ്പ് 500 കോടി കടന്നതും ചരിത്രമാണ്. ആളുകള് പഠാനോട് കാണിച്ച ഈ സ്നേഹത്തിന് ഞങ്ങള് നന്ദിയുള്ളവരാണ്’-അദ്ദേഹം കൂട്ടിച്ചേര്ത്തു.
പഠാന് ഇന്ത്യയില് ഏറ്റവും കൂടുതല് കളക്ഷന് നേടുന്ന ഹിന്ദി സിനിമയാണ്. ഇന്ത്യയില് ചിത്രം ഇതുവരെ 536.77 കോടി രൂപ നേടി. കളക്ഷനില് ബാഹുബലി 2 ഹിന്ദി പതിപ്പിന്റെ റെക്കോര്ഡാണ് പഠാന് മറികടന്നത്. റിലീസിന് മുന്പ് സംഘപരിവാര് അനുകൂലികള് പഠാനെതിരെ പൊലീസില് പരാതി നല്കുകയും ബഹിഷ്കരണാഹ്വാനം നടത്തുകയും ചെയ്തിരുന്നു.