ലഖ്നൗ: ന്യൂസീലന്ഡിനെതിരായ രണ്ടാം ട്വന്റി 20-യില് ഇന്ത്യയ്ക്ക് ആറ് വിക്കറ്റിന്റെ ജയം. ന്യൂസീലന്ഡ് ഉയര്ത്തിയ 100 റണ്സ് വിജയലക്ഷ്യം ഒരു പന്ത് മാത്രം ശേഷിക്കെ ഇന്ത്യ മറികടന്നു. ജയത്തോടെ മൂന്ന് മത്സരങ്ങളടങ്ങിയ പരമ്ബരയില് ഇന്ത്യ ഒപ്പമെത്തി.
31 പന്തില് നിന്ന് 26 റണ്സെടുത്ത സൂര്യകുമാര് യാദവാണ് ഇന്ത്യന് നിരയിലെ ടോപ് സ്കോറര്. 20 പന്തില് നിന്ന് 15 റണ്സുമായി ക്യാപ്റ്റന് ഹാര്ദിക് പാണ്ഡ്യ, സൂര്യയ്ക്കൊപ്പം പുറത്താകാതെ നിന്നു.
നേരത്തെ ടോസ് നേടി ബാറ്റിങ് തിരഞ്ഞെടുത്ത ന്യൂസീലന്ഡിന് 20 ഓവറില് എട്ട് വിക്കറ്റ് നഷ്ടത്തില് 98 റണ്സ് മാത്രമാണ് നേടാനായത്. ഇന്ത്യയ്ക്കായി പന്തെടുത്തവരില് ശിവം മാവി ഒഴികെയുള്ളവരെല്ലാം വിക്കറ്റ് വീഴ്ത്തി.