തിരുവനന്തപുരം: ശശി തരൂരിനെതിരെ രൂക്ഷവിമര്ശനവുമായി കെ.പി.സി.സി പ്രസിഡന്റ് കെ. സുധാകരന് രംഗത്ത്. ഡല്ഹിയില് ഒരു ഇംഗ്ലീഷ് മാധ്യമത്തിനു നല്കിയ അഭിമുഖത്തിലാണ് സുധാകരന് തരൂരിനെതിരേ രൂക്ഷവിമര്ശനമുന്നയിച്ചത്.
‘കോണ്ഗ്രസ് പാര്ട്ടിയെ പൂര്ണമായി അവഗണിക്കുകയാണ് തരൂര്. പാര്ട്ടി അധ്യക്ഷനായ തന്നെ ഫോണില് വിളിക്കുകപോലും ചെയ്യുന്നില്ല. പാര്ട്ടിയുമായി ആലോചിച്ചുവേണം കാര്യങ്ങള് ചെയ്യാനെന്ന് നേരത്തേ ശശി തരൂരിനോട് കോണ്ഗ്രസ് നേതൃത്വം നിര്ദേശിച്ചിരുന്നു. എന്നാല് തരൂര് ഇത് അനുസരിക്കുന്നില്ലെന്നാണ് സുധാകരന്റെ വിമര്ശനം. മര്യാദയില്ലാത്ത പ്രവര്ത്തനങ്ങളാണ് ശശി തരൂരിന്റെ ഭാഗത്തുനിന്നുണ്ടാകുന്നത്. ഒരു കാര്യവും പാര്ട്ടിയുമായി കൂടിയാലോചിക്കുന്നില്ല. സ്വന്തമായി തീരുമാനങ്ങളെടുക്കുകയും നടപ്പാക്കുകയും ചെയ്യുന്ന ഒരു രീതിയിലേക്ക് ശശി തരൂര് മാറി. പരിപാടികളില് പങ്കെടുക്കുമ്പോള് പാര്ട്ടിയുമായി ആലോചിക്കണമെന്ന് ശശി തരൂരിന് പലവട്ടം നിര്ദേശം നല്കിയെങ്കിലും അനുസരിക്കുന്നില്ല. പല ഘട്ടങ്ങളിലും ശശി തരൂരിന്റെ കൂടെനിന്നയാളാണ് താന്. ആ തന്നെ ഒന്നു ഫോണില് വിളിക്കാന് പോലും തരൂര് തയ്യാറാവുന്നില്ല. പാര്ട്ടിക്ക് ഏറ്റവുമധികം വേണ്ടപ്പെട്ട ആളാണ് ശശി തരൂര്. തിരിച്ച് ശശി തരൂരിന് പാര്ട്ടിയെയും വേണമെന്ന കാര്യം മറക്കരുത്.’