വിന്റർ ബ്ലൂസ് എന്ന അവസ്ഥയെ കുറിച്ച് കേട്ടിട്ടുണ്ടോ. ശൈത്യകാലത്ത്, സങ്കടം, നിരാശ, വിഷാദം എന്നിങ്ങനെ മനസ്സിനെ അലട്ടുന്ന നിരവധി പ്രശ്നങ്ങൾ നമ്മളെ ബാധിക്കാറുണ്ട്. ഇവയാണ് വിന്റർ ബ്ലൂസ് എന്നറിയപ്പെടുന്നത്. വീട്ടമ്മമാരെയോ പ്രായമായ സ്ത്രീകളെയോ ആണ് ഇത് കാര്യമായി ബാധിക്കുന്നത്. സാധാരണയേക്കാൾ കൂടുതൽ വിഷാദവും ഊർജ്ജസ്വലത കുറവും വിരക്തിയും തോന്നുന്ന ഒരു സാധാരണ അവസ്ഥയാണിതെന്നാണ് വിദഗ്ധർ പറയുന്നത്. വിന്റർ ബ്ലൂസ് തടയാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നോക്കാം.
നിങ്ങൾ 8 മുതൽ 9 മണിക്കൂർ വരെ ഉറങ്ങേണ്ടത് അത്യാവശ്യമാണ്. നല്ല ഉറക്കത്തിനായി നിങ്ങളുടെ ജീവിതശൈലിയിൽ മാറ്റങ്ങൾ വരുത്തുക. നിങ്ങളുടെ ദിനചര്യ ആരോഗ്യകരവും സുഖപ്രദവുമാക്കുകയും വേണം. 20 മിനിറ്റ് പുറത്ത് നടക്കാൻ പോകുന്നത് നിങ്ങളുടെ വിഷാദം കുറയ്ക്കുന്നതിനും മാനസികമായും ശാരീരികമായും നിങ്ങളെത്തന്നെ മികച്ചതാക്കുന്നതിനും സഹായിക്കും. ഒമേഗ 3 ഫാറ്റി ആസിഡുകൾ അടങ്ങിയ ഭക്ഷണം നിങ്ങളുടെ ഭക്ഷണത്തിൽ ഉൾപ്പെടുത്താം. ഇതിനായി മത്സ്യം, ഡ്രൈ ഫ്രൂട്ട്സ് മുതലായവ ഭക്ഷണത്തിൽ ഉൾപ്പെടുത്തണം.
ശൈത്യകാലത്ത് അൽപം വെയിൽ കൊള്ളുന്നത് വളരെ നല്ലതാണ്. ശരീരത്തിലെ വിറ്റാമിൻ ഡിയുടെ അളവ് ശരിയായി നിലനിർത്താൻ സഹായിക്കും, ഇത് നിങ്ങളുടെ മാനസികാവസ്ഥ വർദ്ധിപ്പിക്കും.