കൊച്ചി: ബലാത്സംഗ കേസില് കോടതി പറയുന്ന ദിവസം ഹാജരാവാന് തയ്യാറാണെന്ന് വിജയ് ബാബു. വിജയ് ബാബു സമര്പ്പിച്ച ഹര്ജി ഇന്ന് ഹൈക്കോടതി പരിഗണിച്ചപ്പോഴാണ് അദ്ദേഹത്തിന്റെ അഭിഭാഷകന് ഇക്കാര്യം വ്യക്തമാക്കിയത്.
കേസില് അന്വേഷണ ഉദ്യോഗസ്ഥന്റെ മുന്പില് ഹാജരാവാന് തയ്യാറാണെന്നും അന്വേഷണവുമായി സഹകരിക്കാമെന്നും അദ്ദേഹം പറഞ്ഞു. കേസ് ആദ്യം കോടതിയുടെ പരിധിയില് വരട്ടെയെന്നായിരുന്നു ഹൈക്കോടതി സിംഗിള് ബെഞ്ചിന്റെ മറുപടി.
അതേസമയം, ജോര്ജിയയിലുള്ള വിജയ് ബാബുവിനോട് കേരളത്തില് തിരികെയെത്താനുളള ടിക്കറ്റ് ഹാജരാക്കാനും, ടിക്കറ്റ് ബുക്ക് ചെയ്താല് ഉടനെ തന്നെ കേസ് പരിഗണിക്കാമെന്നും കോടതി ഉറപ്പ് നല്കിയിട്ടുണ്ട്. അടുത്ത വ്യാഴാഴ്ചയോ വെള്ളിയാഴ്ചയോ കേസ് പരിഗണിക്കണമെന്ന് വിജയ് ബാബുവിന്റെ അഭിഭാഷകന് കോടതിയോട് ആവശ്യപ്പെട്ടു.