ന്യൂഡല്ഹി: ബിജെപി എംപിയും നടിയുമായ ഹേമ മാലിനിക്കും ഗാനരചയിതാവും തിരക്കഥാകൃത്തുമായ പ്രസൂണ് ജോഷിക്കും ഇന്ത്യന് പേഴ്സണാലിറ്റി ഓഫ് ദ ഇയര് പുരസ്കാരം. ചലച്ചിത്ര മേഖലയില് നല്കിയ സമഗ്ര സംഭാവനകള് കണക്കിലെടുത്താണ് കേന്ദ്ര സര്ക്കാര് ഇരുവരെയും തിരഞ്ഞെടുത്തിരിക്കുന്നത്.
കേന്ദ്രമന്ത്രി അനുരാഗ് ഠാക്കൂറാണ് പുരസ്കാരം പ്രഖ്യാപിച്ചത്. ഇന്ത്യന് സിനിമയുടെ മുഖങ്ങളായിട്ടാണ് ഇരുവരെയും ലോകം മുഴുവന് കാണുന്നതെന്ന് മന്ത്രി വ്യക്തമാക്കി. ഗോവ രാജ്യാന്തര ചലച്ചിത്രമേളയില് വെച്ചാണ് പുരസ്കാരം സമ്മാനിക്കുക.
ഹോളിവുഡ് സംവിധായകന് മാര്ട്ടിന് സ്കോര്സീസിയ്ക്കും ഹംഗേറിയന് സംവിധായകന് ഇസ്തെവന് സാബോയ്ക്കും സത്യജിത്ത് റേ ലൈഫ് അച്ചീവ്മെന്റ് പുരസ്കാരം നല്കി ആദരിക്കും.