ദുബായ്: മലയാളികളുടെ അഹങ്കാരമായ സൂപ്പര്താരങ്ങള് മമ്മൂട്ടിക്കും മോഹന്ലാലിനും ഒരുമിച്ച് ഗോള്ഡന് വിസ നല്കി യുഎഇ. മലയാള സിനിമാ താരങ്ങള്ക്ക് ഇങ്ങനെയൊരു ബഹുമതി ലഭിക്കുന്നത് ഇത് ആദ്യമായാണ്
വിവിധ മേഖലകളില് വ്യക്തിമുദ്ര പതിപ്പിക്കുന്ന പ്രമുഖര്ക്കാണ് യു എ ഇ ഗോള്ഡന് വിസ നല്കി ആദരിക്കുന്നത്. ബോളിവുഡിലെ നിരവധി താരങ്ങള്ക്ക് മുന്പ് ഈ ബഹുമതി ലഭിച്ചിട്ടുണ്ടെങ്കിലും മലയാളതാരങ്ങള്ക്ക് ആദ്യമായാണ് ഇങ്ങനൊരു ആദരവ് ലഭിക്കുന്നത്.
യു എ ഇയുടെ ദീര്ഘകാല താമസ വിസയാണ് ഗോള്ഡന് വിസ. പത്തുവര്ഷമാണ് ഈ വിസയുടെ കാലാവധി. അടുത്ത ദിവസങ്ങളില് ഇരുവരും ദുബായിലെത്തി ഗോള്ഡന് വിസ സ്വീകരിക്കുമെന്നാണ് റിപ്പോര്ട്ടുകള്.
നേരത്തെ ഷാരൂഖ് ഖാന്, സഞ്ജയ് ദത്ത് ഉള്പെടെയുള്ള സിനിമ താരങ്ങള്ക്കും സാനിയ മിര്സ ഉള്പെടെയുള്ള കായിക താരങ്ങള്ക്കും ഗോള്ഡന് വിസ നല്കിയിരുന്നു.