ന്യൂഡൽഹി: ഖേൽരത്നയും അർജുന അവാർഡും തിരികെ നൽകി ഗുസ്തി താരം വിനേഷ് ഫോഗട്ട്. ലൈംഗികാതിക്രമാരോപണം നേരിടുന്ന ഗുസ്തി ഫെഡറേഷൻ മുൻ അധ്യക്ഷൻ ബ്രിജ് ഭൂഷണനെതിരെ നടപടി സ്വീകരിക്കാത്തതിൽ പ്രതിഷേധിച്ചാണ് വിനേഷ് ഫോഗട്ട് അവാർഡുകൾ മടക്കി നൽകിയത്. അർജുന അവാർഡ് ഫലകം കർത്തവ്യപഥിൽ വച്ച് വിനേഷ് മടങ്ങി. ഖേൽ രത്ന പുരസ്കാരവും അദ്ദേഹം റോഡിൽ വച്ചു.
പ്രധാനമന്ത്രിയുടെ ഓഫീസിനു പ്രതിഷേധം നടത്തുകയാണ് താരങ്ങൾ. കഴിഞ്ഞ ദിവസം വിനേഷ് ഫോഗട്ട് രാജ്യം നൽകിയ ഖേൽരത്നയും അർജുന അവാർഡും തിരികെ നൽകുമെന്ന് പ്രഖ്യാപിച്ചിരുന്നു. ഗുസ്തി താരങ്ങൾ മെഡൽ നേടുമ്പോൾ രാജ്യത്തിന്റെ അഭിമാനമായി കണക്കാക്കപ്പെടുന്നുവെന്നും, അവർ നീതി ആവശ്യപ്പെട്ടപ്പോൾ രാജ്യദ്രോഹികളായി മുദ്രകുത്തപ്പെടുകയാണെന്നും വ്യക്തമാക്കി വിനേഷ് പ്രധാനമന്ത്രിയ്ക്ക് കത്തയച്ചിരുന്നു.