Latest News (Page 1,641)

പാലാ: സംസ്ഥാനത്ത് മയക്കുമരുന്നു കച്ചവടം വ്യാപിക്കുന്നതിനെതിരെ രൂക്ഷ വിമര്‍ശനവുമായി പാലാ ബിഷപ്പ് ജോസഫ് കല്ലറങ്ങാട്.

ബിഷപ്പിന്റെ വാക്കുകള്‍

‘മയക്കുമരുന്നു സംഘങ്ങള്‍ തന്നെ ഭരണത്തെ നിയന്ത്രിക്കുന്ന വിധത്തിലേക്ക് കാര്യങ്ങള്‍ മാറുന്നു. കുട്ടികളെയും സ്ത്രീകളെയും മയക്കുമരുന്നിന്റെ വിപണനത്തിനായി ഉപയോഗിക്കുന്ന അവസ്ഥയുണ്ട്. നമ്മുടെ രാജ്യത്തും ഭീതിജനകമാണെന്ന് മനസ്സിലാകാം. ബോധപൂര്‍വ്വം മയക്കുമരുന്നു വില്‍ക്കുന്ന സംഘങ്ങള്‍ ഇവിടെയുണ്ട്. ബോധവല്‍ക്കരണം പോലും ഫലവത്താകുന്നില്ലെന്നതാണ് അവസ്ഥ. ഉപയോഗിക്കുന്നവര്‍ പ്രിയപ്പെട്ടവരെ പോലും അറിയിക്കുന്നില്ല. നിയമവാഴ്ച്ചയെ മറികടക്കുന്ന വിധത്തിലാണ് സംഘങ്ങളുടെ പ്രവര്‍ത്തനം. മയക്കുമരുന്ന് മാഫിയക്കെതിരേ കണ്ണടക്കുന്നതും നിഷ്ട്കിയമായി ഇരിക്കുന്നതും കുറ്റമാണ്. മയക്കുമരുന്ന് വലിയ തോതില്‍ പടര്‍ന്നു കയറി കഴിഞ്ഞു ഇതിനെ നിയന്ത്രിക്കാന്‍ കഴിയണം. മയക്കുമരുന്നിന് അടിമ ആകുന്നവരെ ചികിത്സിക്കാന്‍ തയ്യാറായിട്ടുള്ളവരെ പ്രോത്സാഹിപ്പിക്കണം. കുറ്റകരമായ അനാസ്ഥയാണ് മയക്കു മരുന്നിമെതിരേ ശബ്ദം ഉയര്‍ത്താതിരിക്കുന്നത്. വ്യക്തിപരമായ സ്വാതന്ത്ര്യം, വ്യക്തിപരമായ ആവിഷ്‌കാരസ്വാതന്ത്ര്യം എന്നിങ്ങനെ ഉണ്ടായ സാമൂഹികമാറ്റം വലിയ മൂല്യച്യൂതിയിലേക്കാണ് സമൂഹത്തെ എത്തിച്ചത്. വിഷം കലര്‍ന്ന ഭക്ഷ്യസാധനങ്ങള്‍ വില്‍ക്കുന്നത് പൊലെ തന്നെയാണ കൊടിയ തിന്മയാണ് മയക്കുമരുന്നിന്റെയും കച്ചവടം. ജനാധിപത്യം മാന്യമായി നടക്കുന്ന രാജ്യമാണ് ഇന്ത്യ. ഇന്ത്യയുടെ ആദ്യത്തെ പ്രസിഡന്റ് ദളിത് വനിത ആയിരിക്കണം എന്നത് ഗാന്ധിജിയുടെ സ്വപ്നമായിരുന്നു. അതാണ ഇപ്പോള്‍ നടപ്പിലായത്. ഇന്ത്യയുടെ പാരമ്ബര്യത്തില്‍ ക്രിസ്ത്യാനികള്‍ക്കും വലിയ പങ്കുണ്ട്. കത്തോലിക്ക യുവാക്കളില്‍ മയക്ക് മരുന്ന് ഉപയോഗം വ്യാപകമാക്കാന്‍ പ്രത്യേകം ശ്രമങ്ങള്‍ നടക്കുന്നുണ്ട്. ഐസ്‌ക്രീം പാര്‍ലറുകള്‍ ഹോട്ടലുകള്‍ തുടങ്ങിയ കേന്ദ്രങ്ങള്‍ ഇതിനായി പ്രവര്‍ത്തിക്കുന്നുണ്ട്. കുട്ടികള്‍ സൗഹൃദം തെരഞ്ഞെടുക്കുന്നത് സര്‍പ്പത്തിന്റെ ജാഗ്രതയോടെ വേണം.