Entertainment (Page 6)

On:

ആരാധകരുടെ ഏറ്റവും പ്രിയപ്പെട്ട താര ദമ്പതികളാണ് നടൻ സൂര്യയും ജ്യോതികയും. മാതൃകാ ദമ്പതികളെന്നാണ് ഇവർ അറിയപ്പെടുന്നത്. ഇപ്പോഴിതാ ജ്യോതികയും കുട്ടികളുമൊത്ത് ചെന്നൈയിൽ നിന്നും മുംബൈയിലേക്ക് താമസം മാറ്റിയതിന്റെ കാരണം തുറന്നു പറഞ്ഞിരിക്കുകയാണ് സൂര്യ. 18ാം വയസ്സിൽ മുംബൈയിലെ ജീവിത ശൈലികളും കുടുംബവും സുഹൃത്തുക്കളും എല്ലാം ഉപേക്ഷിച്ച് ചെന്നൈയിലേക്ക് വന്നതാണ് ജ്യോതിക. കഴിഞ്ഞ 27 വർഷം ജ്യോതിക ചെന്നൈയിൽ ആയിരുന്നു. തനിക്കും കുടുംബത്തിനുമൊപ്പം സന്തോഷത്തോടെ ഇത്രയും വർഷം ജീവിച്ച ജ്യോതിക ഇനിയെങ്കിലും സ്വന്തം മാതാപിതാക്കൾക്കും സുഹൃത്തുക്കൾക്കുമൊപ്പം മുംബൈയിലെ ജീവിത ശൈലിയിലേക്ക് മടങ്ങണം എന്ന തോന്നലാണ് മുംബൈയിലേക്ക് താമസം മാറ്റാൻ കാരണമെന്ന് സൂര്യ വ്യക്തമാക്കി.

എല്ലാ സൗകര്യങ്ങളും തനിക്കു മാത്രം കിട്ടിയാൽ പോരാ അത് ജ്യോതികയ്ക്കും കിട്ടണം. കുട്ടികൾക്ക് സ്‌കൂൾ സൗകര്യവും കൂടുതൽ അവസരങ്ങളും മുംബൈയിൽ ആണ് ഉളളത്. ഒരു മാസത്തിൽ ഇരുപത് ദിവസം ജോലി ചെയ്യുകയും ബാക്കി പത്തു ദിവസം ഫോൺ കോൾ പോലും എടുക്കാതെ മുംബൈയിൽ മക്കളോടൊപ്പം സമയം ചെലവഴിക്കുന്നതിൽ സന്തോഷം കണ്ടെത്തുകയാണെന്നും താരം പറഞ്ഞു.

ഒരു പുരുഷന് എന്ത് ആവശ്യമുണ്ടോ അത് സ്ത്രീക്കും ആവശ്യമാണ്. അവൾക്ക് അവളുടെ കുടുംബം, സുഹൃത്തുക്കൾ, അവളുടെ സാമ്പത്തിക സ്വാതന്ത്ര്യം, ബഹുമാനം, അവളുടെ ഫിറ്റ്‌നസ് എല്ലാം വേണം. ഒരു പുരുഷന് ആവശ്യമായത് സ്ത്രീക്കും ഒരുപോലെ ആവശ്യമാണെന്ന് താൻ കരുതുന്നു. അവളുടെ മാതാപിതാക്കളിൽ നിന്നും അവളുടെ ജീവിതശൈലിയിൽ നിന്നും അവൾ ചെയ്യാൻ ഇഷ്ടപ്പെടുന്ന കാര്യങ്ങളിൽ നിന്നും അവളെ മാറ്റി നിർത്തുന്നതെന്തിനാണ്. എന്തിന് തനിക്ക് മാത്രം എല്ലാം ലഭിക്കണം. അതായിരുന്നു തന്റെ ചിന്തയെന്നും സൂര്യ കൂട്ടിച്ചേർത്തു.

On:

തനിക്കെതിരെ പ്രചരിക്കുന്ന വ്യാജ വാർത്തകളിൽ പ്രതികരിച്ച് നടി മിയ ജോർജ്. താരത്തിനെതിരെ കറി പൗഡർ കമ്പനി ഉടമ പരാതി സമർപ്പിച്ചുവെന്ന വ്യാജ വാർത്തയ്‌ക്കെതിരെയാണ് താരം പ്രതികരിച്ചത്. ഇത്തരമൊരു നടപടിയെ കുറിച്ച് തനിക്ക് രേഖാമൂലം അറിയിപ്പ് ലഭിച്ചിട്ടില്ലെന്ന് നടി ഇൻസ്റ്റഗ്രാമിൽ കുറിച്ചു.

സാമൂഹിക മാധ്യമങ്ങളിലെ പോസ്റ്റുകൾ വഴിയാണ് ഇക്കാര്യം അറിയുന്നത്. ഒരു ബ്രാൻഡ് ഉടമ എന്തിനാണ് അതിനെ പ്രമോട്ട് ചെയ്യുന്ന ബ്രാൻഡ് അംബാസഡർക്കെതിരെ പരാതി നൽകുന്നതെന്ന് മനസ്സിലാകുന്നില്ലെന്നും മിയാ ജോർജ് വ്യക്തമാക്കി.

കറി പൗഡറിന്റെ പരസ്യത്തിൽ തെറ്റായ അവകാശ വാദങ്ങൾ ഉന്നയിച്ചതിന് കമ്പനി ഉടമ മിയയ്ക്കെതിരെ രണ്ട് കോടി രൂപ നഷ്ടപരിഹാരം ആവശ്യപ്പെട്ടു എന്നായിരുന്നു സാമൂഹ്യ മാദ്ധ്യമങ്ങളിലെ പ്രചാരണം.

On:

നടൻ ജോജു ജോർജ് സംവിധാനം നിർവ്വഹിച്ചിരിക്കുന്ന പണി എന്ന ചിത്രം കഴിഞ്ഞ ദിവസമാണ് റിലീസ് ചെയ്തത്. അഭിനയ എന്ന നടിയാണ് ചിത്രത്തിൽ നായികയായി എത്തുന്നത്. അഭിനയയ്ക്ക് കേൾക്കാനോ സംസാരിക്കാനോ കഴിയില്ല. എന്നാൽ, മലയാളം ഉൾപ്പെടെ അഞ്ച് ഭാഷകളിൽ അഭിനയ വേഷമിട്ടിട്ടുണ്ട്. ഇപ്പോഴിതാ തനിക്ക് മലയാളത്തിൽ ഏറ്റവും ഇഷ്ടപ്പെട്ട താരത്തെ കുറിച്ച് തുറന്നു പറഞ്ഞിരിക്കുകയാണ് അഭിനയ. റെഡ് എഫ്എമ്മിന് നൽകിയ അഭിമുഖത്തിലാണ് അഭിനയ ഇതുസംബന്ധിച്ച വെളിപ്പെടുത്തൽ നടത്തിയത്.

ടൊവിനോ തോമസിനെ തനിക്ക് വലിയ ഇഷ്ടമാണെന്നാണ് അഭിനയ പറയുന്നത്. തന്റെ ഫേവറൈറ്റ് ആക്ടറാണ് ടൊവിനൊ. ഭാവിയിൽ ടൊവിനൊയുടെ കൂടെ ഒരു സിനിമ ചെയ്യാനുള്ള ഭാഗ്യം ഉണ്ടാകട്ടെയെന്നാണ് താൻ ആഗ്രഹിക്കുന്നതെന്നും അഭിനയ അറിയിച്ചു.

ജോജു സാറിന്റെയും വലിയ ഫാനാണ് താൻ. അദ്ദേഹത്തോടൊപ്പം അഭിനയിക്കാനുള്ള അവസരം തനിക്ക് ലഭിച്ചു. ജോജു സാറിനൊപ്പം സിനിമ ചെയ്യാൻ കഴിഞ്ഞത് തന്റെ ഭാഗ്യമാണെന്നും അഭിനയ കൂട്ടിച്ചേർത്തു.

On:

ആരാധകരുടെ പ്രിയ താരജോഡികളാണ് നടൻ മാധവനും ശാലിനിയും. ഇരുവരും ഒന്നിച്ചുള്ള സെൽഫി ചിത്രങ്ങൾ ഇപ്പോൾ സമൂഹ മാധ്യമങ്ങളിൽ വൈറലാകുകയാണ്. തന്റെ ഔദ്യോഗിക ഇൻസ്റ്റഗ്രാം പേജിലൂടെ ശാലിനിയാണ് ചിത്രം പങ്കുവച്ചിരിക്കുന്നത്. ‘അലൈപായുതേ’യിലെ ഹിറ്റ് ഗാനമായ എൻട്രെട്രും പുന്നഗൈ എന്ന പാട്ടിന്റെ ആദ്യ വരികൾ ചേർത്താണ് ചിത്രത്തിന് താഴെ അടിക്കുറിപ്പ് എഴുതിയിരിക്കുന്നത്.

തങ്ങളുടെ പ്രിയപ്പെട്ട കാർത്തിയെയും ശക്തിയെയും 24 വർഷങ്ങൾക്ക് ശേഷം ഒന്നിച്ചു കാണാനായതിന്റെ സന്തോഷത്തിലാണ് ആരാധകർ. യുവ ഡോക്ടറായ ശക്തി, യുവ സോഫ്റ്റ് വെയർ എൻജിനീയറായ കാർത്തി എന്നിവരുടെ പ്രണയകഥ പറഞ്ഞ ചിത്രമാണ് അലൈപായുതേ. മണിരത്നം സംവിധാനം ചെയ്ത ചിത്രം 2000 ത്തിലാണ് റിലീസ് ചെയ്തത്.

ഈ പ്രണയജോഡിയെ വീണ്ടും ബിഗ് സ്‌ക്രീനിൽ കാണാൻ കഴിയുമോ എന്നാണ് ഫോട്ടോയ്ക്ക് താഴെ ആരാധകർ ചോദിക്കുന്നത്. ‘അലൈപായുതെ’ രണ്ടാം ഭാഗം വരണമെന്ന കമന്റുകളും ചിലർ നടത്തുന്നുണ്ട്.

On:

തനിക്ക് ഏറ്റവും ഇഷ്ടപ്പെട്ട ഭക്ഷണത്തെക്കുറിച്ച് തുറന്നു പറഞ്ഞ് ബോളിവുഡ് നടി കരീന കപൂർ. തന്റെ ബിരിയാണി പ്രേമത്തെ കുറിച്ചാണ് കരീന കപൂർ വാചാലയായത്. ഈ ബിരിയാണി പ്രേമം കുടുംബപരമായി കൈമാറി കിട്ടിയതാണെന്ന് കരീന വ്യക്തമാക്കി. ഡൽഹിയിൽ നടന്ന ഒരു പരിപാടിക്കിടെയായിരുന്നു കരീനയുടെ പരാമർശം.

കപൂർ കുടുംബത്തിൽ തനിക്ക് മാത്രമല്ല എല്ലാവർക്കും ബിരിയാണിയോടു ഇഷ്ടമുണ്ടെന്ന് താരം വ്യക്തമാക്കി. ബുഖാര ഹോട്ടലിലെ ഭക്ഷണമാണ് ഡൽഹിയിൽ ഏറ്റവും ഇഷ്ടപ്പെടുന്നത്. ചാന്ദിനി ചോക്കിലെ ചെറിയ ഭക്ഷണശാലകൾ തനിക്ക് ഏറ്റവും പ്രിയപ്പെട്ടതാണ്. എന്നാൽ അങ്ങോട്ടേക്ക് പോകാൻ ഇപ്പോൾ കുറച്ചുനാളുകളായി സാധിക്കുന്നില്ലെന്നും താരം ചൂണ്ടിക്കാട്ടി.

ഡൽഹിയിലെ ആലൂ പറാത്തയും, ചോലെ ബട്ടൂരെയും എല്ലാം തന്റെ ഇഷ്ടവിഭവങ്ങളുടെ ലിസ്റ്റിൽ ഇടം പിടിച്ചവയാണെന്നും കരീന കപൂർ കൂട്ടിച്ചേർത്തു. കരീനയുടെ ബിരിയാണിപ്രിയത്തെ കുറിച്ച് ആരാധകർക്ക് നേരത്തെ തന്നെ അറിയാം. ചെറുപ്രായത്തിൽ മുതൽ താൻ ഏറ്റവും അധികം ഇഷ്ടപ്പെടുന്ന ഒന്നാണ് ബിരിയാണി എന്ന് സമൂഹമാധ്യമത്തിൽ പങ്കുവച്ച മിക്ക ചിത്രങ്ങളിലും കരീന വ്യക്തമാക്കിയിട്ടുണ്ട്.

On:

പ്രേക്ഷരുടെ പ്രിയ താരമാണ് വിദ്യാ ബാലൻ. തനിക്ക് ഇഷ്ടപ്പെട്ട മലയാള താരങ്ങളെ കുറിച്ച് വിദ്യ ബാലൻ നടത്തിയ വെളിപ്പെടുത്തൽ ഇപ്പോൾ ശ്രദ്ധ നേടുകയാണ്. നടൻ ഫഹദ് ഫാസിൽ ചെയ്യുന്ന വർക്കുകൾ തനിക്ക് ഒരുപാട് ഇഷ്ടമാണെന്ന് വിദ്യാ ബാലൻ പറയുന്നു. ഫഹദ് വളരെ അതിശയകരമായ സിനിമകളാണ് ചെയ്യുന്നത്. ഫഹദ് മാത്രമല്ല മലയാളത്തിൽ മികച്ച കുറേ ആളുകളുണ്ട്. ബേസിൽ ജോസഫ് അതിലൊരാളാണ്. അദ്ദേഹം ഒരേ സമയം, നടനും സംവിധായകനുമാണ്. ഒരു ആക്ടർ എന്ന നിലയിൽ അന്ന ബെന്നിനേയും തനിക്ക് ഒരുപാട് ഇഷ്ടമാണെന്നും താരം ചൂണ്ടിക്കാട്ടി.

നമ്മൾ ഒടിടി പ്ലാറ്റ്‌ഫോമിനോട് വളരെ നന്ദി പറയണം. കാരണം ഒരുപാട് ആളുകൾ ഇപ്പോൾ മലയാള സിനിമകൾ കാണാറുണ്ട്. തനിക്ക് വളരെ സോളിഡായ റോൾ ലഭിക്കുകയാണെങ്കിൽ തീർച്ചയായും താൻ ആ സിനിമ ചെയ്യും. പക്ഷെ അങ്ങനെയുള്ള സിനിമ വരണമെന്നും വിദ്യാ ബാലൻ കൂട്ടിച്ചേർത്തു.

ഈയിടെ ഇറങ്ങിയ മലയാള സിനിമകൾ തനിക്ക് കാണാൻ കഴിഞ്ഞിട്ടില്ല. മഞ്ഞുമ്മൽ ബോയ്‌സ് സിനിമ കണ്ടില്ലെന്നും അപ്പോഴെക്കും തനിക്ക് തിരക്കായെന്നും ആ സിനിമ തനിക്ക് മിസ് ആയെന്നും വിദ്യാ ബാലൻ കൂട്ടിച്ചേർത്തു.

On:

മികച്ച അഭിനയ ശൈലിയിലൂടെ പ്രേക്ഷക മനസ്സിൽ ഇടം നേടിയ താരമാണ് പാർവതി തിരുവോത്ത്. മലയാളത്തിന് പുറമേ തമിഴിലും പാർവതി മികച്ച കഥാപാത്രങ്ങളെ അവതരിപ്പിച്ചിട്ടുണ്ട്. വിക്രം നായകനായി എത്തിയ തങ്കലാൻ എന്ന ചിത്രത്തിൽ ശ്രദ്ധേയമായ പ്രകടനമാണ് പാർവതി കാഴ്ചവച്ചത്. ഇപ്പോൾ വിക്രത്തെക്കുറിച്ച് പാർവതി സംസാരിച്ച വാക്കുകളാണ് വൈറൽ ആകുന്നത്.

ഒട്ടും ഈഗോ ഇല്ലാത്ത നടനാണ് വിക്രം എന്നാണ് പാർവതി പറയുന്നത്. വിക്രത്തെപ്പോലെ നല്ല അഭിനേതാവായും നല്ല സുഹൃത്തുമൊക്കെയായും മാറാൻ തനിക്കും കഴിയണമെന്ന് ആഗ്രഹമുണ്ടെന്ന് താരം വ്യക്തമാക്കി. ഈഗോ എന്ന സാധനം ഒട്ടും ഇല്ലാത്ത ഒരു നടനാണ് വിക്രം. തങ്കലാന്റെ സെറ്റിൽ അദ്ദേഹം തങ്കലാനും താൻ ഗംഗാമ്മാളും ആയിരുന്നു. അത് അത്രേയുള്ളൂ. തന്നോട് മാത്രമല്ല ആ സെറ്റിലെ എല്ലാവരോടും അദ്ദേഹം അങ്ങനെയാണെന്നും പാർവ്വതി പറഞ്ഞു.

അങ്ങനെയുള്ള നടന്മാരെ കാണുമ്പോൾ അവരെപ്പോലെ ആകാൻ കഴിഞ്ഞിരുന്നുവെങ്കിൽ എന്ന് തനിക്ക് തോന്നും. എല്ലാവർക്കും അങ്ങനെ ഒരു സഹ അഭിനേതാവായും സുഹൃത്തായും മാറാൻ തനിക്ക് അവസരം കിട്ടണേ എന്ന് നമ്മൾ ആഗ്രഹിച്ചു പോകുമെന്നും താരം ചൂണ്ടിക്കാട്ടി.

On:

ഇന്ത്യൻ താരങ്ങളുടെ പ്രതിഫല കണക്കിൽ വൻ റെക്കോഡ് സൃഷ്ടിച്ച് തെലുങ്ക് താരം അല്ലു അർജുൻ. പുഷ്പ 2-വിനായി അല്ലു അർജുൻ പ്രതിഫലമായി വാങ്ങിയത് 300 കോടി രൂപയാണെന്നാണ് പുറത്തു വരുന്ന റിപ്പോർട്ടുകൾ. ദളപതി 69ന് വേണ്ടി വിജയ് 275 കോടി രൂപ പ്രതിഫലം കൈപ്പറ്റുമെന്ന് നേരത്തെ വിവരമുണ്ടായിരുന്നു. ഷാരൂഖ് ഖാൻ കൈപ്പറ്റിയ 250 കോടി പ്രതിഫലത്തെ പിന്തള്ളിയായിരുന്നു വിജയ് ഇന്ത്യയിലെ ഏറ്റവും പ്രതിഫലം വാങ്ങുന്ന നടനായി മാറിയതെന്നായിരുന്നു അന്ന് പുറത്തു വന്ന റിപ്പോർട്ടുകൾ.

ഈ വർഷം ഇന്ത്യൻ ബോക്‌സ് ഓഫീസ് ഏറ്റവും പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് പുഷ്പ 2: ദ റൂൾ. ഡിസംബർ ആദ്യവാരം ചിത്രം റിലീസ് ചെയ്യുമെന്നാണ് വിവരം. ചിത്രത്തിന്റെ ഒരോ അപ്ഡേറ്റും ആരാധകർ ഏറെ ആവേശത്തോടെയാണ് സ്വീകരിക്കുന്നത്. പ്രീ റിലീസ് ബിസിനസുകളിലൂടെ മാത്രം 1,085 കോടി രൂപ നേടിയതായായുള്ള റിപ്പോർട്ടുകളും പുറത്തു വന്നിരുന്നു.

സുകുമാർ ആണ് ചിത്രത്തിന്റെ സംവിധായകൻ. 500 കോടി രൂപയാണ് പുഷ്പ 2 ന്റെ നിർമ്മാണ ചെലവ്. ഫഹദ് ഫാസിൽ, രശ്മിക മന്ദാന, പ്രകാശ് രാജ്, ജഗപതി ബാബു, ജഗദീഷ് പ്രതാപ് ബണ്ഡാരി എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.

On:

എത്ര പണം തന്നാലും താൻ റീമേക്ക് ഓഫറുകൾ സ്വീകരിക്കില്ലെന്ന് വ്യക്തമാക്കി നടൻ ദുൽഖർ സൽമാൻ. എപ്പോഴും ഒറിജിനൽ സിനിമകൾ ചെയ്യാനാണ് താൻ ഇഷ്ടപ്പെടുന്നത് എന്ന് താരം പറഞ്ഞു. ഹിന്ദിയിൽ നിന്ന് വലിയ പ്രതിഫലത്തിന് ഒരു റീമേക്ക് ഷോ ചെയ്യാൻ വന്നിരുന്നുവെന്നും എന്നാൽ റീമേക്ക് ആയതുകൊണ്ട് തന്നെ താനത് വേണ്ടെന്നു വയ്ക്കുകയായിരുന്നു എന്നും താരം വെളിപ്പെടുത്തി. ഗ്രേറ്റ് ആന്ധ്ര എന്ന യൂട്യൂബ് ചാനലിന് നൽകിയ അഭിമുഖത്തിലായിരുന്നു അദ്ദേഹത്തിന്റെ പരാമർശം.

താൻ സിനിമകൾ ചെയ്യുന്നത് പണത്തിനു വേണ്ടിയല്ല. ഒരിക്കലും പണത്തിനു വേണ്ടി താൻ സിനിമകൾ ചെയ്യില്ല. സിനിമയിൽ അഭിനയിക്കാൻ തുടങ്ങിയ കാലം മുതൽ പിന്തുടരുന്ന റൂൾ ആണത്. പണമല്ല താൻ നേടാൻ ശ്രമിക്കുന്നത്. ഒരു സിനിമയിൽ കൊണ്ടുവരേണ്ട മൂല്യങ്ങളെ കുറിച്ച് താൻ ബോധവാനാണ് അതനുസരിച്ചാണ് പ്രതിഫലം നിശ്ചയിക്കുന്നതെന്നും ദുൽഖർ ചൂണ്ടിക്കാട്ടി.

നല്ല സിനിമകളുടെ ഭാഗമാകണമെന്നാണ് തന്റെ ആഗ്രഹം. വലിയ പ്രതിഫലം നൽകി തനിക്കൊരു റീമേക്ക് ചിത്രം ഓഫർ ചെയ്താൽ താനത് സ്വീകരിക്കില്ല. തനിക്ക് ഒരുപാട് പണം തന്നതുകൊണ്ട് മാത്രം താനൊരു തെലുങ്ക് സിനിമ ചെയ്യില്ലെന്നും താരം കൂട്ടിച്ചേർത്തു.

On:

മലയാളി പ്രേക്ഷകർക്ക് ഏറെ പ്രിയങ്കരിയായ താരമാണ് കാവ്യാ മാധവൻ. സിനിമയിൽ ഇപ്പോൾ സജീവമല്ലെങ്കിലും ഇന്നും കാവ്യയുടെ ആരാധക വൃന്ദത്തിന് യാതൊരു കുറവും സംഭവിച്ചിട്ടില്ല. വർഷങ്ങൾക്ക് മുൻപ് തന്റെ റൂമിൽ എത്തി തന്നെ അമ്പരപ്പിച്ച ഒരു അതിഥിയെക്കുറിച്ച് കാവ്യ നടത്തിയ വെളിപ്പെടുത്തലാണ് ഇപ്പോൾ വൈറലാകുന്നത്.

മുറിയിൽ വന്ന് രണ്ടുമൂന്നു തവണ വാതിലിൽ മുട്ടുന്നത് കേട്ട് താൻ വാതിൽ തുറന്നു നോക്കുകയായിരുന്നു. ഇതാരാ ലോക്ക് ചെയ്‌തേയെന്നും ലോക്ക് ഒന്നും ചെയ്യേണ്ട കേട്ടോ, എനിക്കിടയ്ക്കിടയ്ക്കു ഇങ്ങോട്ടു വരണമെന്ന് മുന്നിൽ നിന്നയാൾ പറഞ്ഞുവെന്നും കാവ്യ വ്യക്തമാക്കുന്നു. തന്റെ വാതിലിൽ മുട്ടിയയാൾക്ക് രണ്ട് വയസ് മാത്രമായിരുന്നു പ്രായം. ആ രണ്ടു വയസുകാരൻ മറ്റാരുമായിരുന്നില്ല, സുരേഷ് ഗോപിയുടെ മകൻ മാധവ് സുരേഷായിരുന്നു അത്.

ഫോണിൽ വിളിച്ച് ‘ചിങ്ങമാസം വന്നുചേർന്നാൽ നിന്നെ ഞാനെൻ സ്വന്തമാക്കും’ എന്ന് പാട്ട് പാടിയും മാധവ് തന്നെ അമ്പരപ്പിച്ചുവെന്നും താരം കൂട്ടിച്ചേർത്തു. 2012ൽ ‘നിങ്ങൾക്കുമാകാം കോടീശ്വരൻ’ എന്ന പരിപാടിയിൽ എത്തിയപ്പോഴാണ് മാധവ് സുരേഷിനെ കുറിച്ച് കാവ്യ ഇക്കാര്യം സുരേഷ് ഗോപിയോട് പറഞ്ഞത്.