നിയമപരമായി നേരിടേണ്ട വിഷയമാണ് ഏകീകൃത സിവിൽ കോഡ്. അതുകൊണ്ട് തെരുവിലിറങ്ങി പോരാടേണ്ട കാര്യമില്ലെന്ന് മുസ്ലിം ലീഗ് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങള്. കോ ഓര്ഡിനേഷന് കമ്മിറ്റിക്ക് ശേഷമാണ് ലീഗ് നേതാക്കളുടെ പ്രതികരണം. വിവിധ വിഭാഗങ്ങളെ ഗുരുതരമായി ബാധിക്കുന്ന വിഷയമാണ്.
പ്രതിഷേധങ്ങളില് രാഷ്ട്രീയ പാര്ട്ടികളെ പങ്കെടുപ്പിക്കും. വിഷയം മുതലെടുക്കാന് ആരെങ്കിലും ശ്രമിച്ചാല് കെണിയില് വീഴരുതെന്നാണ് പി കെ കുഞ്ഞാലിക്കുട്ടിയുടെ നിര്ദേശം. സിവില് കോഡിനെതിരെ പോരാടാന് മതേതര കക്ഷികളുടെ കൂട്ടായ്മയ്ക്ക് രൂപം നല്കുമെന്ന് മുസ്ലിം ലീഗ് സംസ്ഥാന സെക്രട്ടറി പിഎംഎ സലാം വ്യക്തമാക്കിയപ്പോള് സിപിഐഎമ്മിന്റെ നിലപാട് ഇരട്ടത്താപ്പാണെന്ന ആരോപണത്തിലാണ് കോണ്ഗ്രസ്.