മുംബൈ: 14 അംഗ ഏകോപനസമിതിക്ക് പുറമേ മറ്റ് ആറു കമ്മിറ്റികൾ കൂടി പ്രഖ്യാപിച്ച് പ്രതിപക്ഷകക്ഷികളുടെ സഖ്യമായ ‘ഇന്ത്യ’ മുന്നണി. പ്രചാരണസമിതി, സോഷ്യൽ മീഡിയ വർക്കിങ് കമ്മിറ്റി, മീഡിയ വർക്കിങ് കമ്മിറ്റി, റിസേർച്ച് വർക്കിങ് കമ്മിറ്റി തുടങ്ങിയ കമ്മിറ്റികളാണ് പ്രഖ്യാപിച്ചിരിക്കുന്നത്. മുംബൈയിൽ നടന്ന സഖ്യത്തിന്റെ യോഗത്തിനുശേഷമാണ് ഇതുസംബന്ധിച്ച പ്രഖ്യാപനം നടന്നിട്ടുള്ളത്.
എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ 14 അംഗ ഏകോപനസമിതിയിൽ ഉൾപ്പെട്ടിട്ടുണ്ട്. 19 അംഗം പ്രചാരണ കമ്മിറ്റിയിൽ എൻ.സി.പി. നേതാവ് പി.സി. ചാക്കോ, സി.പി.ഐ. നേതാവ് ബിനോയ് വിശ്വം, ആർ.എസ്.പി. നേതാവ് എൻ.കെ. പ്രേമചന്ദ്രൻ, ഫോർവേഡ് ബ്ലോക്ക് നേതാവ് ജി. ദേവരാജൻ, കേരള കോൺഗ്രസ് എം. നേതാവ് ജോസ് കെ. മാണി തുടങ്ങിയവർ ഇടംനേടി. മുസ്ലിം ലീഗ് പ്രതിനിധിയായി കെ.എം. ഖാദർ മൊയ്തീനും സി.പി.എം. പ്രതിനിധിയായി അരുൺ കുമാറും സമിതിയിൽ ഉൾപ്പെട്ടു.
സമിതിയിലെ തൃണമൂൽ കോൺഗ്രസ് പ്രതിനിധിയെ പിന്നീട് പ്രഖ്യാപിക്കും. ഗുർദീപ് സിങ് സപ്പൽ (കോൺഗ്രസ്), സഞ്ജയ് ഝാ (ജെ.ഡി.യു.), അനിൽദേശായി (ശിവസേന), ചംപായി സോറൻ (ജെ.എം.എം.), കിരൺമോയ് നന്ദ (എസ്.പി.), സഞ്ജയ് സിങ് (എ.എ.പി.), ജസ്റ്റിസ്. ഹസ്നൈൻ മസൂദി (നാഷണൽ കോൺഫറൻസ്), ഷാഹിദ് സിദ്ദിഖി (ആർ.എൽ.ഡി.), രവി റായ് (സി.പി.ഐ.എം.എൽ.), തിരുമണവാളൻ (വി.സി.കെ.) തുടങ്ങിയവരാണ് സമിതിയിലെ മറ്റംഗങ്ങൾ.
12 അംഗങ്ങളാണ് സാമൂഹിക മാധ്യമ വർക്കിങ് ഗ്രൂപ്പിലുള്ളത്. സുപ്രിയ ശ്രീനേത് (കോൺഗ്രസ്), സുമിത് ശർമ (ആർ.ജെ.ഡി.), ആശിഷ് യാദവ് (എസ്.പി.), രാജീവ് നിഗം (എസ്.പി.), രാഘവ് ഛദ്ദ (എ.എ.പി.), അവിന്ദാനി (ജെ.എം.എം.), ഇൽതിജ മെഹബൂബ് (പി.ഡി.പി.), പ്രഞ്ചൽ (സി.പി.എം.), ബാലചന്ദ്ര കാംഗോ (സി.പി.ഐ.), ഇഫ്ര ജാൻ (നാഷണൽ കോൺഫറൻസ്), വി. അരുൺകുമാർ (സി.പി.ഐ.എം.എൽ.) എന്നിവരാണ് സമൂഹ മാധ്യമ വർക്കിംഗ് ഗ്രൂപ്പിലെ അംഗങ്ങൾ. തൃണമൂൽ പ്രതിനിധിയെ പിന്നീട് തീരുമാനിക്കുന്നതാണ്.
ജയറാം രമേശ്, മനോജ് ഝാ, അരവിന്ദ് സാവന്ത്, ജിതേന്ദ്ര അവാഡ്, രാഘവ് ഛദ്ദ, രാജീവ് രഞ്ജൻ, പ്രഞ്ചൽ, ആശിഷ് യാദവ്, സുപ്രിയോ ഭട്ടാചാര്യ, അലോക് കുമാർ, മനിഷ്‌കുമാർ, രാജീവ് നിഗം, ബാലചന്ദ്ര കാംഗോ, തൻവീർ സാദിഖ്, പ്രശാന്ത് കനോജിയ, നരേൻ ചാറ്റർജി, സുചേത ദേ, മോഹിത് ഭാൻ തുടങ്ങിയവരാണ് 19 അംഗ മാധ്യമ വർക്കിങ് ഗ്രൂപ്പിലെ അംഗങ്ങൾ. ഗ്രൂപ്പിലെ തൃണമൂൽ പ്രതിനിധിയെ പിന്നീട് പ്രഖ്യാപിക്കും.