യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ അറസ്റ്റിൽ. പത്തനംതിട്ടയിലെ വീട്ടിലെത്തിയാണ് തിരുവനന്തപുരം കന്റോൺമെന്റ് പൊലീസ് കസ്റ്റഡിയിലെടുത്തത്. നടപടി, സെക്രട്ടറിയേറ്റ് മാർച്ചിനിടെയുണ്ടായ സംഘർഷത്തിലെടുത്ത കേസിലാണ്. രാഹുലിനെതിരെ നേരത്തെ പൊതുമുതൽ നശിപ്പിച്ചതടക്കമുള്ള ജാമ്യമില്ലാ വകുപ്പ് പ്രകാരം കേസെടുത്തിരുന്നു. രാഹുൽ കേസിലെ നാലാം പ്രതിയാണ്. ഒന്നാം പ്രതി, പ്രതിപക്ഷ നേതാവ് വി.ഡി സതീശനാണ്. നേരത്തെ 24 യൂത്ത് കോൺഗ്രസ് പ്രവർത്തകർ മാർച്ചിൽ നടന്ന അക്രമസംഭവങ്ങളുമായി ബന്ധപ്പെട്ട് അറസ്റ്റിലായിരുന്നു.
2024-01-09