വീണ ജോർജ് വേണ്ടെന്ന് വച്ച ‘നിള’ കടന്നപ്പള്ളിക്ക്

വീണ ജോർജ് വേണ്ടെന്ന് വച്ച ‘നിള’ കടന്നപ്പള്ളിക്ക്. സൗകര്യങ്ങളില്ലെന്ന് പറഞ്ഞു വീണ ജോർജ് ഉപേക്ഷിച്ച ഓദ്യോഗിക വസതിയായ നിള മന്ത്രി രാമചന്ദ്രൻ കടന്നപ്പള്ളിക്ക് അനുവദിച്ചു. കടന്നപ്പള്ളിക്ക് നൽകിയത് കന്റോൻറ്മെന്റ് ഹൗസിനു സമീപത്തെ മന്ത്രിമന്ദിരങ്ങളിൽ ഒന്നായ നിളയാണ് നൽകിയത്. അറ്റകുറ്റപ്പണി പൂർത്തിയാക്കിയതിന് ശേഷം വീട് കടന്നപ്പള്ളിക്കു കൈമാറും. അവിടെ കുടുംബ സമേതമാണ് അദ്ദേഹം താമസിക്കുക. എംഎൽഎ ഹോസ്റ്റലിലെ ഫ്ലാറ്റിലാണ് ഇപ്പോൾ കടന്നപ്പള്ളിയും കുടുംബവും താമസിക്കുന്നത്. വിഎസ് സർക്കാരിന്റെ കാലത്ത് ദേവസ്വം മന്ത്രിയായപ്പോളും കടന്നപ്പളിയുടെ ഔദ്യോഗിക വസതി നിള ആയിരുന്നു. അതെസമയം നിള വേണ്ടെന്നുവച്ച വീണ ജോർജ് ഇപ്പോൾ വാടക വീട്ടിലാണു താമസിക്കുന്നത്.