ന്യൂഡൽഹി: നിയമസഭാ തെരഞ്ഞെടുപ്പിലെ തിരിച്ചടിയ്ക്ക് പിന്നാലെയോഗം വിളിച്ച് ഇന്ത്യാ മുന്നണി. ചൊവ്വാഴ്ചയാണ് ഇന്ത്യ മുന്നണി യോഗം വിളിച്ചത്. കോൺഗ്രസ് അധ്യക്ഷൻ മല്ലികാർജുൻ ഖർഗെയാണ് ഡൽഹിയിലെ സ്വവസതിയിൽ മുന്നണി നേതാക്കളുടെ യോഗം വിളിച്ച് ചേർക്കുന്നത്.
ഇന്ത്യ മുന്നണിയുടെ അവസാന യോഗം നടന്നത് മൂന്ന് മാസങ്ങൾക്ക് മുൻപാണ്. ബിഹാർ മുഖ്യമന്ത്രിയും ജെഡിയു നേതാവുമായ നിതീഷ് കുമാർ നേരത്തെ കോൺഗ്രസിനെതിരെ വിമർശനം ഉന്നയിച്ചിരുന്നു. അഞ്ച് സംസ്ഥാനങ്ങളിലെ തിരഞ്ഞെടുപ്പിലാണ് കോൺഗ്രസ് പാർട്ടി കൂടുതൽ താൽപര്യം കാട്ടുന്നതെന്നായിരുന്നു അദ്ദേഹം ഉയർത്തിയ വിമർശനം.