കാസർകോട് ജില്ലയിൽ പൂർത്തിയാക്കിയ നവകേരള സദസ്സ് ഇന്ന് കണ്ണൂർ ജില്ലയിൽ. പയ്യന്നൂർ മണ്ഡലത്തിലാണ് ആദ്യ ജന സദസ്സ്. പയ്യന്നൂരിൽ രാവിലെ 9 മണിക്ക് പ്രഭാത യോഗം.11 മണിക്ക് പയ്യന്നൂരിലും 3 മണിക്ക് മാടായിയിലും 4.30ന് തളിപറമ്പിലും 6 മണിക്ക് ശ്രീകണ്ഠപുരത്തുമാണ് ജനസദസ്സുകൾ. പരമാവധി ജനപങ്കാളിത്തം ശക്തികേന്ദ്രങ്ങളിൽ ഉറപ്പാക്കാനാണ് സിപിഎം ശ്രമം. കണ്ണൂർ ജില്ലയിൽ മന്ത്രിസഭയുടെ പര്യടനം നാളെയും മറ്റന്നാളും തുടരും.
ഏഴായിരത്തോളം പരാതികളാണ് കഴിഞ്ഞ രണ്ട് ദിവസങ്ങളിലായി അഞ്ച് മണ്ഡലങ്ങളിൽ നവകേരള സദസ്സിൽ എത്തിയത്. 14,600 പരാതികളാണ് നവകേരള സദസിൽ കാസർകോട് ജില്ലയിൽ ലഭിച്ചത്. കാസർകോട് മണ്ഡലം 3451, മഞ്ചേശ്വരം മണ്ഡലം 1908, ഉദുമ മണ്ഡലം-3733,തൃക്കരിപ്പൂർ മണ്ഡലം 2567, കാഞ്ഞങ്ങാട് മണ്ഡലം 2941 എന്നിങ്ങനെയാണ് പരാതികളുടെ മണ്ഡലം തിരിച്ചുള്ള വിശദാംശങ്ങൾ.