അഞ്ച് സ്റ്റേറ്റുകളിൽ ജോ ബൈഡനെ പിന്തള്ളി ട്രംപ് മുന്നിലെന്ന് പോള്‍

On: November 6, 2023

5 സംസ്ഥാനങ്ങളിൽ മുന്‍ പ്രസിഡന്റ് ഡൊണാള്‍ഡ് ട്രംപ് മുന്നിലെന്ന് പോള്‍ ഫലം. ന്യൂയോര്‍ക്ക് ടൈംസും സിയന്ന കോളേജും ചേർന്ന് സംഘടിപ്പിച്ച പുതിയ പോള്‍ ഫലത്തിലാണ് ഇക്കാര്യം പറയുന്നത്. നവാഡയില്‍ ട്രംപിന് 52 ശതമാനം പിന്തുണ ലഭിച്ചപ്പോള്‍ ബൈഡന് 41 ശതമാനം വോട്ടുകള്‍ മാത്രമാണ് കിട്ടിയത്. ന്യൂയോര്‍ക്ക് ടൈംസും സിയന്ന കോളേജും ചേർന്ന് സംഘടിപ്പിച്ച പുതിയ പോള്‍ ഫലത്തിലാണ് ഇക്കാര്യം പറയുന്നത്.

Previous Post: ആര്യാടൻ ഷൗക്കത്തിനെ എൽഡിഎഫ് സംരക്ഷിക്കും; എ കെ ബാലൻ

Next Post: ഗവർണർമാർ ബില്ലുകൾ പിടിച്ചു വയ്ക്കുന്നതിനെതിരെ വിമർശനവുമായി സുപ്രീംകോടതി

ആദ്യ ചിത്രത്തിന് ശേഷം അവസരങ്ങൾ ലഭിച്ചിരുന്നില്ല; വെളിപ്പെടുത്തലുമായി അല്ലു അർജുൻ

ആദ്യ ചിത്രത്തിന് ശേഷം അവസരങ്ങൾ ലഭിച്ചിരുന്നില്ലെന്ന വെളിപ്പെടുത്തലുമായി നടൻ അല്ലു അർജുൻ. തന്റെ ആദ്യ സിനിമ ഗംഗോത്രി ഹിറ്റായിരുന്നു. പക്ഷേ തന്നെ കാണാൻ അത്ര ഭംഗിയില്ലാത്തതുകൊണ്ട് നല്ല സിനിമകളൊന്നും പിന്നെ തേടി വന്നില്ലെന്ന് അല്ലു അർജുൻ പറയുന്നു. ആ ചിത്രം ഒരു ബ്ലോക്ക്ബസ്റ്റർ ആയിരുന്നെങ്കിലും ഒരു കലാകാരനെന്ന നിലയിൽ സ്വയം അടയാളപ്പെടുത്താൻ കഴിയാതിരുന്നത് തന്റെ പരാജയമാണ്. ഗംഗോത്രി റിലീസിന് ശേഷം ഹൈദരാബാദിലെ ആർടിസി ക്രോസ് റോഡിൽ പുതിയ സിനിമകളും കണ്ട് കറങ്ങിനടക്കും. ഇതിനിടയിൽ തിരക്കഥകൾ കേൾക്കുന്നുണ്ടായിരുന്നെങ്കിലും ഒന്നും ശരിയായില്ലെന്ന് അദ്ദേഹം ചൂണ്ടിക്കാട്ടി. ഒരു മാസത്തിനുശേഷം നടനും സുഹൃത്തുമായ തരുണിനൊപ്പം ദിൽ എന്ന നിതിൻ നായകനായ ചിത്രം കാണാൻ പോയിരുന്നു. അവിടെവെച്ചാണ് സുകുമാർ എന്ന നവാഗത സംവിധായകൻ ആര്യ എന്ന ചിത്രത്തിനായി തന്നെ സമീപിച്ചത്. ആര്യ സുകുമാറിന്റെ ആദ്യചിത്രമായിരുന്നെങ്കിലും ആ തിരക്കഥയിൽ അദ്ദേഹം എഴുതിവെച്ചിരിക്കുന്നത് തന്നെ വല്ലാതെ ആകർഷിച്ചു. അമ്മാവനായ ചിരഞ്ജീവിയും ആ തിരക്കഥ കേട്ടിരുന്നു. ആര്യയുടെ 125-ാം ദിനാഘോഷവേളയിൽ ചിരഞ്ജീവിയിൽനിന്ന് ആദരമേറ്റുവാങ്ങാനും കഴിഞ്ഞുവെന്ന് താരം വ്യക്തമാക്കി.
അരൺമനൈ 4; തമന്നയ്ക്ക് ലഭിച്ച പ്രതിഫലം എത്രയാണെന്ന് അറിയാം

മികച്ച പ്രേക്ഷക പ്രതികരണം നേടി തിയേറ്ററിൽ പ്രദർശനം തുടരുന്ന ചിത്രമാണ് അരൺമനൈ 4. തമിഴ് ഹൊറർ കോമഡി ചിത്രമായ അരൺമനൈയിൽ തമന്നയും റാഷി ഖന്നയുമാണ് നായികമാരായി എത്തുന്നത്. സുന്ദർ സി ആണ് ചിത്രത്തിന്റെ സംവിധാനം നിർവ്വഹിച്ചിരിക്കുന്നത്. യോഗി ബാബു, വിടിവി ഗണേഷ്, ഡൽഹി ഗണേഷ്, കോവൈ സരള തുടങ്ങിയവരാണ് ചിത്രത്തിലെ മറ്റ് താരങ്ങൾ. ഇ കൃഷ്ണമൂർത്തിയാണ് ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്നത്. ഹിപ്‌ഹോപ്പ് തമിഴയാണ് സംഗീതം. സുന്ദറിന്റെ ഭാര്യയും നടിയുമായ ഖുശ്ബുവാണ് സിനിമ നിർമിക്കുന്നത്. ഈ ചിത്രത്തിൽ തമന്ന വാങ്ങിയ പ്രതിഫലത്തെ കുറിച്ചാണ് ഇപ്പോൾ തമിഴ് സിനിമാ ലോകം ചർച്ച ചെയ്യുന്നത്. തമന്നയ്ക്ക് അരൺമനൈയിലെ കഥാപാത്രത്തിനായി നാല് മുതൽ അഞ്ച് കോടി വരെ ലഭിച്ചതായി ചില മാദ്ധ്യമങ്ങൾ റിപ്പോർട്ട് ചെയ്യുന്നു. ജയിലർ എന്ന ചിത്രത്തിലെ കഥാപാത്രത്തിനായി മൂന്ന് കോടിയായിരുന്നു തമന്ന വാങ്ങിയ പ്രതിഫലം.
വസ്തുതാപരമായ തെളിവുകൾ നൽകാൻ യു എസിന് സാധിച്ചിട്ടില്ല; ഇന്ത്യക്കെതിരെയുള്ള ആരോപണം തള്ളി റഷ്യ

മോസ്‌കോ: ഇന്ത്യക്കെതിരെയുള്ള യു എസ് ആരോപണം തള്ളി റഷ്യ. ഖലിസ്താൻ വിഘടനവാദി ഗുർപത്വന്ത് സിങ് പന്നൂനെ വധിക്കാൻ നടന്ന ഗൂഢാലോചനയിൽ ഇന്ത്യയ്ക്ക് പങ്കുണ്ടെന്ന യുഎസിന്റെ ആരോപണമാണ് റഷ്യ തള്ളിയത്. ഇന്ത്യയുടെ പങ്ക് വ്യക്തമാക്കാനുതകുന്ന വസ്തുതാപരമായ തെളിവുകൾ നൽകാൻ യു എസിന് സാധിച്ചിട്ടില്ലെന്ന് റഷ്യ അറിയിച്ചു. ഗുർപത്വന്ത് സിങ് പന്നൂനെ വധിക്കാനുള്ള ഗൂഢാലോചനയിൽ ഇന്ത്യൻ പൗരർക്ക് പങ്കുണ്ടെന്ന് സ്ഥാപിക്കുന്ന വിശ്വസനീയമായ തെളിവുകൾ യു എസ് നൽകിയിട്ടില്ലെന്നാണ് തങ്ങൾക്ക് ലഭ്യമായ വിവരമെന്നാണ് റഷ്യൻ വിദേശകാര്യ മന്ത്രാലയം ചൂണ്ടിക്കാട്ടിയത്. ഊഹോപോഹങ്ങൾ നിഴലിക്കുന്നതും അടിസ്ഥാനരഹിതവുമായ ആരോപണങ്ങൾ അസ്വീകാര്യമാണെന്നാണ് റഷ്യൻ വിദേശകാര്യവക്താവ് മരിയ സഖറോവ ചൂണ്ടിക്കാട്ടിയത്. ഇന്ത്യയുടെ വികസനത്തിന്റെ പൊതുവായ സാംസ്‌കാരിക മനോഭാവത്തേയും ചരിത്രപരമായ പശ്ചാത്തലത്തേയും കുറിച്ച് യു എസിനുള്ള പരിമിതമായ അറിവും ഇന്ത്യയെന്ന രാഷ്ട്രത്തോടുള്ള അവഹേളനവുമാണ് ഇത് പ്രകടമാക്കുന്നതെന്നും മരിയ സഖറോവ അറിയിച്ചു. ഇന്ത്യയ്ക്കെതിരേ മതസ്വാതന്ത്ര്യം ലംഘിക്കുന്നുവെന്നതുൾപ്പെടെ നിരവധി ആരോപണങ്ങൾ യു.എസ്. നിരന്തരം ആരോപിക്കുന്നു. യു.എസിന്റെ ഭാഗത്തു നിന്നുള്ള തെറ്റിധാരണയുടെ പ്രതിഫലനമാണത്. മാത്രമല്ല, യു.എസ്. പുലർത്തുന്ന നിയോ കൊളോണിയൽ മനഃസ്ഥിതിയിൽ നിന്നാണ് ഇത്തരത്തിലുള്ള ആരോപണങ്ങളുണ്ടാകുന്നത്. പൊതുതിരഞ്ഞെടുപ്പ് നടക്കുന്ന സന്ദർഭത്തിൽ ഇന്ത്യയുടെ ആഭ്യന്തരരാഷ്ട്രീയസ്ഥിതിയെ താളംതെറ്റിക്കുക എന്നതാണ് യു.എസിന്റെ ലക്ഷ്യമെന്നും ഇവർ വിശദീകരിച്ചു.
അയോധ്യ ശ്രീരാമക്ഷേത്രത്തിൽ ദർശനം നടത്തി ഗവർണർ ആരിഫ് മുഹമ്മദ് ഖാൻ

ന്യൂഡൽഹി: കേരള ഗവർണർ ആരിഫ് മുഹമ്മദ് ഖാൻ അയോധ്യ ശ്രീരാമക്ഷേത്രത്തിൽ ദർശനം നടത്തി. അയോദ്ധ്യ രാമക്ഷേത്രത്തിലെ പ്രാണ പ്രതിഷ്ഠയ്ക്ക് ശേഷം ആദ്യമായിട്ടാണ് ഗവർണർ ക്ഷേത്ര ദർശനംനടത്താനായി എത്തുന്നത്. തന്റെ എക്‌സ് അക്കൗണ്ടിലൂടെ രാമക്ഷേത്രത്തിൽ ദർശനം നടത്തുന്ന ചിത്രങ്ങളും വീഡിയോയും ഗവർണർ പങ്കുവെച്ചു. അയോധ്യയുടെ അയൽക്കാരനാണ് താനെന്ന് ആരിഫ് മുഹമ്മദ് ഖാൻ പറഞ്ഞു. അതേസമയം, കഴിഞ്ഞ ദിവസം പ്രധാനമന്ത്രി നരേന്ദ്ര മോദിയും അയോധ്യ രാമക്ഷേത്രത്തിൽ ദർശനം നടത്തിയിരുന്നു. മെയ് അഞ്ചിനാണ് അദ്ദേഹം ക്ഷേത്രത്തിലെത്തി ദർശനം നടത്തിയത്. രാമക്ഷേത്രത്തിൽ ദർശനവും പൂജയും നടത്തിയ ശേഷമാണ് പ്രധാനമന്ത്രി മടങ്ങിയത്. ക്ഷേത്ര പരിസരത്ത് അദ്ദേഹം റോഡ് ഷോയും നടത്തിയിരുന്നു.
തെരുവുനായ പ്രശ്‌നങ്ങൾ; ഹർജികൾ തീർപ്പാക്കി സുപ്രീം കോടതി, വിശദമായ ഉത്തരവ് പിന്നീട് പുറത്തിറക്കും

ന്യൂഡൽഹി: തെരുവു നായ പ്രശ്‌നങ്ങളുമായി ബന്ധപ്പെട്ട ഹർജികൾ സുപ്രീം കോടതി തീർപ്പാക്കി. കണ്ണൂർ ജില്ലാ പഞ്ചായത്തിന്റെ അടക്കം ഹർജികളാണ് തീർപ്പാക്കിയത്. 2023 ലെ എബിസി ചട്ടങ്ങൾ വന്നതിനാൽ വിഷയത്തിൽ ഇടപെടാൻ കഴിയില്ലെന്ന് സുപ്രീം കോടതി അറിയിച്ചു. പുതിയ ചട്ടങ്ങളിൽ പരാതിയുണ്ടങ്കിൽ അതത് ഹൈക്കോടതികളെ സമീപിക്കാമെന്ന് കോടതി ചൂണ്ടിക്കാട്ടി. തെരുവു നായ പ്രശ്‌നങ്ങളുമായി ബന്ധപ്പെട്ട് കേരള, കർണാടക, ബോംബെ ഹൈക്കോടതികളുടെ വിധിയിലെ ശരിതെറ്റുകളിൽ ഇടപെടാൻ കഴിയില്ല. വിഷയത്തിലെ നിയമപ്രശ്‌നങ്ങൾ തുറന്നിടുന്നതായും കോടതി നിരീക്ഷിച്ചു. കേസിൽ വിശദമായ ഉത്തരവ് പിന്നീട് പുറത്തിറക്കുമെന്നും സുപ്രീം കോടതി കൂട്ടിച്ചേർത്തു. സംസ്ഥാനത്ത് തെരുവ് നായയുടെ അക്രമം, പ്രത്യേകിച്ച് കുട്ടികൾക്കു നേരെയുള്ളത് കൂടിവരികയാണെന്നും അതിന് എത്രയും പെട്ടെന്ന് പരിഹാരം കാണാൻ നിർദേശിക്കണമെന്നുമായിരുന്നു കണ്ണൂർ ജില്ലാ പഞ്ചായത്ത് ഹർജിയിൽ വ്യക്തമാക്കിയിരുന്നത്.