ഇന്ത്യയുടെ ആദ്യ സൗരനിരീക്ഷണ ആദിത്യ എൽ 1 സൂര്യനെക്കുറിച്ചുള്ള ശാസ്ത്രീയമായ വിവരങ്ങൾ ശേഖരിച്ചു തുടങ്ങിയെന്ന് ഇസ്രോ അറിയിച്ചു. ആദിത്യ എൽ 1 പേടകത്തിലെ STEPS -1 എന്ന ഉപകരണത്തിന്റെ സെൻസറുകളാണ് ഭൂമിയിൽ നിന്ന് 50000 കിലോമീറ്ററിലധികം അകലെയുള്ള സൂപ്പർ തെർമൽ, എനർജെറ്റിക് അയോണുകൾ, ഇലക്ട്രോണുകൾ എന്നിവയെ കുറിച്ചുള്ള വിവരങ്ങളാണ് STEPS -1 ശേഖരിക്കുന്നത്.
സൗരയൂഥ കാറ്റിന്റെ പഠനത്തിനായുള്ള പേടകത്തിലെ പ്രധാന ഉപകരണമാണ് ആദിത്യ സോളാർ വിൻഡ് പാർട്ടിക്കിൾ എക്സ്പിരിമെന്റ്. ഈ ASPEX ന്റെ ഭാഗമാണ് STEPS -1 ഉപകരണം. STEPS -1 ഉപകരണം ശേഖരിക്കുന്ന വിവരങ്ങൾ ഭൂമിക്ക് ചുറ്റുമുള്ള കണങ്ങളുടെ സ്വഭാവം വിശകലനം ചെയ്യാൻ സഹായിക്കുമെന്നും ഇസ്രോ (ISRO ) അറിയിച്ചു. ഫിസിക്കൽ റിസർച്ച് ലബോറട്ടറി അഹമ്മദാബാദ് ആണ് ഈ ഉപകരണം നിർമ്മിച്ചിരിക്കുന്നത്.