മന്ത്രിസഭാ പുനഃസംഘടനയെക്കുറിച്ച് നിലവിൽ അനാവശ്യ ചർച്ചകളാണ് നടക്കുന്നതെന്ന് മന്ത്രി എ.കെ.ശശീന്ദ്രൻ പറഞ്ഞു. അതെ സമയം പുനസംഘടന വിഷയത്തിൽ മന്ത്രി അഹമ്മദ് ദേവർകോവിലും പ്രതികരിച്ചു. പ്രതികഇക്കാര്യത്തിൽ താനല്ല പ്രതികരിക്കേണ്ടതെന്നും എൽഡിഎഫ് കൺവീനറാണ് നിലപാട് അറിയിക്കേണ്ടത് എന്നും അദ്ദേഹവുമായി സംസാരിച്ചിട്ടുണ്ടെന്നും അഹമ്മദ് ദേവർകോവിൽ പറഞ്ഞു.
എൽഡിഎഫിലെ മുൻധാരണപ്രകാരം ആന്റണി രാജുവും അഹമ്മദ് ദേവർകോവിലും മന്ത്രിസ്ഥാനം ഒഴിയുമെന്ന് വാർത്തകൾ വന്നിരുന്നു. വനംമന്ത്രി എ.കെ.ശശീന്ദ്രന് ഗതാഗത വകുപ്പ് കൈമാറിയേക്കുമെന്നും പകരം വനം വകുപ്പ് കെ ഗണേഷ് കുമാറിന് കൈമാറുമെന്നും റിപ്പോർട്ടുകളുണ്ടായിരുന്നു. പിണറായി സർക്കാരിന്റെ രണ്ടര വർഷം പൂർത്തിയാക്കുന്ന സാഹചര്യത്തിലാണ് മന്ത്രി സഭാ പുനസംഘടനയുമായി ബന്ധപ്പെട്ട വാർത്തകളിലെ മന്ത്രിമാരുടെ പ്രതികരണം.
2023-09-15