യു.എ.ഇ. പ്രീ സീസണിലെ രണ്ടാം സൗഹൃദ മത്സരത്തില് പ്രോ ലീഗ് ക്ലബായ ഷാര്ജ എഫ്.സിയെ വീഴ്ത്തി കേരള ബ്ലാസ്റ്റേഴ്സ് എഫ്.സി.
കരുത്തരായ ഷാര്ജക്കെതിരേ ഒന്നിനെതിരേ രണ്ടുഗോളുകള്ക്കാണു മഞ്ഞപ്പടയുടെ വിജയം. കളിയുടെ ആദ്യ പകുതിയില് ജാപ്പനീസ് താരം ഡൈസുകെ സകായും ഘാന താരം ഖ്വാമ പെപ്രയുമാണു കേരള ബ്ലാസ്റ്റേഴ്സിനായി വല കുലുക്കിയത്. ഇതില് കിടിലന് ഫ്രീ കിക്കിലൂടെയായിരുന്നു സകായുടെ ഗോള് പിറന്നത്. ബോക്സിനു തൊട്ടുവെളിയില് ലഭിച്ച ഫ്രീകിക്ക് മനോഹരമായി ജപ്പാന് താരം വലയിലെത്തിക്കുകയായിരുന്നു.
ക്ര?യേഷ്യന് താരം മാര്കോ ലെസ്കോവിച്ചായിരുന്നു തുടക്കത്തില് കേരളാ ബ്ലാസ്റ്റേഴ്സിനെ നയിച്ചത്. നേരത്തെ ആദ്യ മത്സരത്തില് കനത്ത പരാജയം ഏറ്റുവാങ്ങിയ മഞ്ഞപ്പട സ്വന്തം ആരാധകര്ക്കു വലിയ ആവേശം സമ്മാനിക്കുന്നതാണു ഷാര്ജ എഫ്.സിക്കെതിരായ വിജയം. ആദ്യ മത്സരത്തില് കാണികള്ക്കു പ്രവേശനമുണ്ടായിരുന്നെങ്കിലും അടച്ചിട്ട സ്റ്റേഡിയത്തിലാണു ഷാര്ജയ്ക്കെതിരായ പോരാട്ടം നടന്നത്.
യു.എ.ഇയില് കളിച്ച ആദ്യ സൗഹൃദ മത്സരത്തില് ദയനീയ പരാജയമായിരുന്നു ബ്ലാസ്റ്റേഴ്സ് നേരിട്ടത്. യു.എ.ഇ. പ്രോ ലീഗ് ക്ലബായ അല് വാസല് എഫ്.സി. മറുപടിയില്ലാത്ത ആറുഗോളുകള്ക്കു മഞ്ഞപ്പടയെ തകര്ത്തു. പരാജയത്തിന്റെ നിരാശയില്നിന്നു പുറത്തുകടക്കാന് ഷാര്ജ എഫ്.സിക്കെതിരായ മത്സരഫലം ബ്ലാസ്റ്റേഴ്സിനു തുണയാകും. ഇനി ഒരു സൗഹൃദ മത്സരം കൂടി യു.എ.ഇയില് കേരളാ ബ്ലാസ്റ്റേഴ്സ് കളിക്കും
2023-09-14