തിരുവനന്തപുരം : ജനങ്ങൾക്ക് ഈ വട്ടത്തെ ഓണം സന്തോഷകരമായിരിക്കും എന്ന് വ്യവസായ മന്ത്രി പി രാജീവ്. ജനങ്ങളുടെ സന്തോഷം കാണാൻ കഴിയാത്തവർക്കാണ് ഈ വട്ടം സങ്കടകരമായ ഓണം. സംസ്ഥാനം പ്രതിസന്ധിയിൽ ആയിട്ടും ധനവകുപ്പ് ശരിയായ രീതിയിൽ കാര്യങ്ങൾ നടത്തിവരുന്നുണ്ട്. കളമശ്ശേരിയിൽ വച്ച് നടന്ന കാർഷികോത്സവത്തിന്റെ സമാപനത്തിൽ സംസാരിക്കുകയായിരുന്നു മന്ത്രി.
അതേസമയം ഓണം എത്തിയിട്ടും ഓണക്കിറ്റ് പോലും ശരിയായ രീതിയിൽ വിതരണം ചെയ്യാതെ ഇരിക്കുകയാണ് സർക്കാർ. ഈ വട്ടം മഞ്ഞക്കാർഡ് കാർക്ക് മാത്രമാണ് കിറ്റ് നൽകുന്നതെങ്കിലും 10 ശതമാനം കിറ്റ് വിതരണം മാത്രമേ ഇതുവരെയും പൂർത്തി ആയിട്ടുള്ളൂ. 62231 കിറ്റുകളുടെ വിതരണമാണ് കഴിഞ്ഞ രാത്രി വരെ നടന്നത്. മിൽമയുടെ പായസം മിക്സും റെയ്ഡ് കോയുടെ കറിപ്പൊടികളും ലഭിക്കാത്ത സാഹചര്യമുണ്ടായിരുന്നു. തുടർന്ന് മറ്റ് കമ്പനികളുടേത് വാങ്ങി കിറ്റ് വിതരണം ചെയ്യണമെന്നാണ് സർക്കാർ നിർദ്ദേശിച്ചിരിക്കുന്നത്.