അക്ഷയ് കുമാർ നായകനായ ഓ മൈ ഗോഡ് 2 റിലീസായതിന് പിന്നാലെ വിവാദങ്ങൾ കത്തി പടരുകയാണ്. ചിത്രം ഹിന്ദു ദൈവങ്ങൾക്കെതിരെയുള്ള അധിക്ഷേപമാണെന്ന് അഭിപ്രായപ്പെട്ട് നിരവധി സംഘടനകൾ രംഗത്ത് വന്നിരുന്നു. എന്നാൽ അക്ഷയ് കുമാറിനെ തല്ലുന്നവർക്ക് ഇനാമായി 10 ലക്ഷം രൂപ നൽകുമെന്ന് പറഞ്ഞിരിക്കുകയാണ് ഹിന്ദു സംഘടനയായ ബജ്‌രംഗ് ദൾ. നായകനെ തല്ലുകയോ മുഖത്ത് കരി ഓയിൽ ഒഴിക്കുകയോ ചെയ്യുന്നവർക്ക് 10 ലക്ഷം രൂപ നൽകുമെന്നാണ് രാഷ്ട്രീയ ബജ് രംഗ് ദൾ നേതാവ് ഗോവിന്ദ് പരാസർ പറഞ്ഞിരിക്കുന്നത്.
സിനിമ റിലീസായ ദിവസം മുതൽ വിവിധ സംഘടനകളുടെ നേതൃത്വത്തിൽ പ്രതിഷേധം സംഘടിപ്പിച്ചിരുന്നു. നടൻ അക്ഷയ് കുമാറിന്റെ കോലം വരെ കത്തിച്ചിരുന്നു. ആത്മീയ നേതാവായ സാധ്വി ചിത്രം ഹിന്ദു ദൈവങ്ങളെ അപമാനിക്കുന്നതാണെന്നും ബോളിവുഡ് സിനിമ ഇങ്ങനെ തുടർന്നാൽ റോഡിൽ ഇറങ്ങി പ്രതിഷേധിക്കുമെന്നും വിമർശിച്ചു.