ബെംഗളൂരു : കള്ളപ്പണക്കേസിൽ ബിനീഷ് കോടിയേരിക്ക് ആശ്വാസമായി കർണാടക ഹൈക്കോടതി വിധി. ബിനീഷിനെതിരെയുള്ള ഇ ഡി കേസ് നിലനിൽക്കില്ലെന്ന് പറഞ്ഞ് വിചാരണക്കോടതിയുടെ നടപടികൾ കർണാടക ഹൈക്കോടതിയാണ് സ്റ്റേ ചെയ്തത്. ലഹരിക്കടത്ത് കേസിൽ പ്രതിയല്ലാത്തതിനാൽ ബിനീഷിനു മേൽ കള്ളപ്പണക്കേസ് ചുമത്താനാവില്ലെന്നാണ് കോടതി പറഞ്ഞത്.
ബിനീഷിനെതിരെയുള്ള കേസ് സ്റ്റേ ചെയ്തതോടെ ഹൈക്കോടതിയിലെ വാദം അവസാനിക്കുന്നത് വരെ ബിനീഷിന് വിചാരണ കോടതിയിൽ ഹാജരാകേണ്ടി വരില്ല. തന്നെ കേസിൽ നിന്ന് ഒഴിവാക്കണമെന്നാവശ്യപ്പെട്ട് ബിനീഷ് നൽകിയ വിടുതൽ ഹർജി വിചാരണക്കോടതി നേരത്തെ തള്ളിയതിനാലാണ് ബിനീഷ് കർണാടക ഹൈക്കോടതിയെ സമീപിച്ചത്. ജസ്റ്റിസ് ഹേമന്തിന്റെതാണ് വിചാരണക്കോടതി നടപടികൾ സ്റ്റേ ചെയ്ത ഉത്തരവ്.