കോഴിക്കോട് : വാഹനങ്ങൾ ഉപയോഗിച്ചുള്ള ഓണാഘോഷം സ്കൂളുകളിലും കോളേജുകളിലും നിരോധിച്ച് എം വി ഡി. കോഴിക്കോട് ഉത്തരമേഖലാ ഡെപ്യൂട്ടി ട്രാൻസ്പോർട്ട് കമ്മീഷണർ ആർ രാജീവാണ് വാഹനം ഉപയോഗിച്ച് ആഘോഷങ്ങൾ നടത്തുന്നവർക്കെതിരെ കർശന നടപടിയെടുക്കുമെന്ന് നിർദ്ദേശിച്ചിരിക്കുന്നത്. ജീപ്പ് , കാർ , ബൈക്ക് എന്നിവയ്ക്ക് രൂപ മാറ്റം വരുത്തി റാലി സംഘടിപ്പിക്കുന്നവർക്കെതിരെ നടപടി സ്വീകരിക്കുമെന്നും ഇവ കണ്ടെത്തുന്നതിന് കോളേജിൽ മിന്നൽ പരിശോധന നടത്തുമെന്നും എം വി ഡി വ്യക്തമാക്കി.
രക്ഷിതാക്കളും അധ്യാപകരും ഇത്തരം പ്രവണതകൾക്കെതിരെ ജാഗ്രത പുലർത്തണമെന്നും നിയമ ലംഘനം ശ്രദ്ധയിൽപ്പെട്ടാൽ അതാത് സ്ഥലത്തെ എം വി ഡി ഓഫീസിൽ അറിയിച്ചാൽ മതിയെന്നും ആർ രാജീവ് വ്യക്തമാക്കി.