മലപ്പുറം : നവതിയാഘോഷിക്കുന്ന മലയാളത്തിന്റെ സാഹിത്യകാരൻ എം ടി വാസുദേവൻ നായരുമായി കൂടി കാഴ്ച്ച നടത്തി മുൻ കോൺഗ്രസ് അധ്യക്ഷൻ രാഹുൽ ഗാന്ധി. കോട്ടയ്ക്കൽ ആര്യ വൈദ്യ ശാലയിൽ വച്ചായിരുന്നു ഇരുവരും കൂടി കാഴ്ച്ച നടത്തിയത്. തന്നെ കാണാനെത്തിയ രാഹുൽ ഗാന്ധിക്ക് എം ടി പേന സ്നേഹോപഹാരമായി നൽകി.
അദ്ദേഹത്തിന്റെ പുസ്തകങ്ങളെ കുറിച്ചും സിനിമകളെക്കുറിച്ചും രാഹുൽ ഗാന്ധി സംസാരിച്ചു. കൂടിക്കാഴ്ചയുടെ ചിത്രങ്ങൾ ഫേസ്ബുക്കിൽ കോൺഗ്രസ് പങ്ക് വച്ചിരുന്നു. രാഹുൽ ഗാന്ധിക്കൊപ്പം എ ഐ സി സി സംഘടനാ കാര്യ ജനറൽ സെക്രട്ടറി വേണുഗോപാലും ഉണ്ടായിരുന്നു. മുട്ട് വേദനയ്ക്കുൾപ്പെടെ ആശ്വാസം തേടിയാണ് രാഹുൽ ഗാന്ധി വൈദ്യശാലയിലെത്തിയത്.