ടോക്കിയോ: ഇന്ത്യയുടെ മെഡല് പ്രതീക്ഷയായ ബാഡ്മിന്റണ് താരം പി വി സിന്ധുവിന് വിജയത്തുടക്കം. ഇസ്രായേലിന്റെ പോളികര്പോവ സെനിയയെ അനായാസം പി വി സിന്ധു മറികടന്നു.
ആദ്യ സെറ്റ് 21-7 നു ജയിച്ച ഇന്ത്യന് താരം രണ്ടാം സെറ്റിലും തന്റെ മികവ് തുടര്ന്നു. 21-10 നു ഇസ്രായേലി താരത്തിന് മേല് ആധിപത്യം നേടിയ സിന്ധു മത്സരത്തില് വിജയമുറപ്പിച്ചു. തന്നെക്കാള് റാങ്ക് കുറഞ്ഞ എതിരാളിക്ക് മേല് സമ്പൂര്ണ ആധിപത്യം തന്നെയാണ് സിന്ധു കാഴ്ച വച്ചത്.
രണ്ടാമത്തെയും അവസാനത്തെയും ഗ്രൂപ്പ് മത്സരത്തില് ലോക 34 റാങ്കുകാരിയായ ഹോംകോങ് താരം ചെങ് ങാന് യി ആണ് സിന്ധുവിന്റെ എതിരാളി.