നിരവധി പോഷക ഗുണങ്ങൾ അടങ്ങിയിട്ടുള്ള ഒന്നാണ് പാൽ. ശരീരത്തിന് ഏറ്റവും കൂടുതൽ ഊർജമേകുന്ന പാനീയമാണ് പാൽ. എല്ലുകളുടെ ബലം വർധിപ്പിക്കാൻ പാൽ കുടിക്കുന്നത് നല്ലതാണ്. പാൽ കുടിക്കുന്നതിലൂടെ തലച്ചോറിന്റെ പ്രവർത്തനം മെച്ചപ്പെടും. പാലിനൊപ്പം നെയ്യ് ചേർത്ത് കുടിക്കുകയാണെങ്കിൽ അത് ആരോഗ്യത്തിന് ഏറെ ഗുണം ചെയ്യും.
രാത്രി ഉറങ്ങുന്നതിന് മുൻപ് ചൂടുപാലിൽ ഒരു സ്പൂൺ നെയ്യ് ചേർത്ത് കുടിക്കുന്നത് വളരെ നല്ലതാണ്. ദഹനം മെച്ചപ്പെടുത്താൻ പാലിനൊപ്പം നെയ്യ് ചേർത്ത് കുടിക്കുന്നത് വളരെ നല്ലതാണ്. നെയ്യിൽ ബ്യൂട്ടിറിക് ആസിഡ് ധാരാളമായി അടങ്ങിയിട്ടുണ്ട്. നല്ല ബാക്ടീരിയകളുടെ വളർച്ചയെ പ്രോത്സാഹിപ്പിക്കുവാനും ദഹനവ്യവസ്ഥയിലെ വീക്കം കുറയ്ക്കാനും ബ്യൂട്ടറിക് ആസിഡ് സഹായിക്കും.
പാലിൽ നെയ്യ് ചേർത്ത് കുടിക്കുന്നത് ചർമ്മ സംരക്ഷണത്തിനും സഹായിക്കും. വൈറ്റമിൻ എ, ഡി, ഇ എന്നിവ ഇതിൽ അടങ്ങിയിട്ടുണ്ട്. തിളക്കമുള്ള ചർമത്തിനും സ്വാഭാവിക ഭംഗി നിലനിർത്താനും പാലിൽ നെയ്യ് ചേർത്ത് കുടിക്കുന്നത് ഏറെ നല്ലതാണ്.