ഓണം എന്ന് കേട്ടാൽ മനസിലേക്ക് ആദ്യം എത്തുന്നത് ഓണസദ്യയാണ്. എന്നാൽ, ഡയറ്റ് പിന്തുടരുന്നവർക്ക് എപ്പോഴുമുള്ള ആശങ്കയാണ് സദ്യ കഴിച്ചാൽ തടി കൂടുമോയെന്നത്. ഓണസദ്യ ആരോഗ്യകരമായി കഴിക്കാൻ സഹായിക്കുന്ന വഴികളെന്തൊക്കെയാണെന്ന് നോക്കാം.
ഓണസദ്യയിൽ പരിപ്പ് നിർബന്ധമായും ഉൾപ്പെടുത്തണം. ഇതിൽ പ്രോട്ടീൻ ധാരാളം അടങ്ങിയിട്ടുണ്ട്. ശരീരത്തിന് ആവശ്യമായ പല പോഷകങ്ങളും ഇതിൽ നിന്നും ലഭിക്കും. വിശപ്പു കുറയ്ക്കാനും അമിത ഭക്ഷണം ഒഴിവാക്കാനും പരിപ്പ് ഓണ സദ്യയിൽ ഉൾപ്പെടുത്തുന്നത് വളരെ നല്ലതാണ്. പരിപ്പിൽ നെയ്യ് ഒഴിച്ച് കഴിക്കുന്നതും ഗുണം ചെയ്യും.
സദ്യയിൽ അവിയൽ ഉൾപ്പെടുത്തുന്നതും ആരോഗ്യത്തിന് ഉത്തമമാണ്. ഡയറ്റ് നോക്കുന്നവർ നിർബന്ധമായും സദ്യയിൽ അവിയൽ ഉൾപ്പെടുത്തണം.