നടി നസ്രിയ നസീം വീണ്ടും മലയാളത്തിൽ അഭിനയിക്കാനെത്തുന്നു. ഒരിടവേളയ്ക്ക് ശേഷമാണ് താരം വീണ്ടും മലയാളത്തിലേക്ക് എത്തുന്നത്. സൂക്ഷ്മദർശിനി എന്ന ചിത്രത്തിലാണ് താരം വേഷമിടുന്നത്. ബേസിൽ ജോസഫാണ് ചിത്രത്തിലെ നായകൻ. സിനിമയുടെ ചിത്രീകരണം ആരംഭിച്ചു.
എം സി ജിതിൻ ആണ് ചിത്രം സംവിധാനം ചെയ്യുന്നത്. സമീർ താഹീർ, ഷൈജു ഖാലിദ്, എ.വി അനൂപ് എന്നിവരാണ് ചിത്രം നിർമിക്കുന്നത്. ഛായാഗ്രഹണം ശരൺ വേലായുധൻ, സംഗീതം ക്രിസ്റ്റോ സേവ്യർ, എഡിറ്റിങ് ചമൻ ചാക്കോ. സിദ്ധാർഥ് ഭരതനും ചിത്രത്തിൽ പ്രധാന വേഷത്തിലെത്തുന്നു. തെലുഗിലെ ‘എന്റെ സുന്ദരനികെ’ ആയിരുന്നു നസ്രിയയുടെ അവസാന ചിത്രം.
ഫഹദ് ഫാസിലിന്റെ ‘ട്രാൻസ്’ എന്ന ചിത്രമാണ് നസ്രിയ ഒടുവിൽ അഭിനയിച്ച മലയാള സിനിമ. നേരത്തെ മണിയറയിൽ അശോകൻ എന്ന ചിത്രത്തിൽ അതിഥി വേഷത്തിലും നസ്രിയ എത്തിയിരുന്നു.