വിജയ് നായകനായി എത്തിയ ചിത്രം ജില്ലയിൽ അഭിനയിച്ചതിന് പിന്നിലെ കാരണം വെളിപ്പെടുത്തി മലയാളത്തിന്റെ സൂപ്പർതാരം മോഹൻലാൽ. വിജയ് വ്യക്തിപരമായി തന്നെ വിളിക്കുകയും വേഷത്തിൽ അഭിനയിക്കാൻ കഴിയുമോ എന്ന് ചോദിക്കുകയും ചെയ്തതായി മോഹൻലാൽ പറയുന്നു. താൻ ഉടൻ സമ്മതം മൂളിയെന്നും മോഹൻലാൽ വ്യക്തമാക്കി . ജന്മദിനത്തോട് അനുബന്ധിച്ച് ഒരു ചാനൽ പരിപാടികൾ സംസാരിക്കവെയാണ് അദ്ദേഹം ഇക്കാര്യം അറിയിച്ചത്.
താൻ ആ കഥാപാത്രത്തിന് യോജിക്കുമെന്ന് അദ്ദേഹത്തിനും അണിയറ പ്രവർത്തകർക്കും തോന്നിച്ചത് ഭാഗ്യമായാണ് കരുതുന്നതെന്നും അദ്ദേഹം കുട്ടിച്ചേർത്തു .
2014 ൽ ആണ് ജില്ല പുറത്തിറങ്ങിയത്. ശിവൻ എന്ന കഥാപാത്രമായാണ് മോഹൻലാൽ ഈ ചിത്രത്തിൽ അഭിനയിച്ചത്. ശക്തി എന്ന കഥാപാത്രത്തെയാണ് വിജയ് ചിത്രത്തിൽ അവതരിപ്പിച്ചത്. 50 കോടി ബജറ്റിലെത്തിയ ചിത്രം 85 കോടിക്ക് മുകളിലാണ് കളക്ട് ചെയ്തത്.
കാജൽ അഗർവാൾ, സമ്പത് രാജ്, നിവേദ തോമസ്, പൂർണിമ ഭാഗ്യരാജ്, സൂരി തുടങ്ങിയവരും ചിത്രത്തിൽ പ്രധാന വേഷത്തിൽ എത്തിയിരുന്നു.