തനിക്ക് ലിഫ്റ്റിൽ കയറാൻ പേടിയാണെന്ന് നടൻ മിഥുൻ രമേശിന്റെ ഭാര്യ ലക്ഷ്മി മേനോൻ. സോഷ്യൽ ആങ്സൈറ്റി കാരണം തനിക്ക് ലിഫ്റ്റിൽ കയറാൻ പേടിയാണെന്നാണ് ലക്ഷ്മി പറയുന്നത്. പല സ്ഥലങ്ങിലും പോകുമ്പോഴും താൻ നിലത്ത് നോക്കിയാണ് നടക്കുന്നത്. കാരണം നിലത്ത് നോക്കി നടന്നാൽ ആരോടും അധികം സംസാരിക്കണ്ടല്ലോയെന്നും ലക്ഷ്മി വ്യക്തമാക്കി. ഒരു ഓൺലൈൻ മാദ്ധ്യമത്തിന് നൽകിയ അഭിമുഖത്തിലായിരുന്നു ലക്ഷ്മിയുടെ പ്രതികരണം.
മിഥുൻ ചേട്ടനൊപ്പം പുറത്തു പോകുമ്പോൾ ആരെങ്കിലും സംസാരിക്കാൻ വരുമ്പോൾ തന്നെ തനിക്ക് ടെൻഷനാണ്. അവർ തന്നോട് മിണ്ടുമോ, ചിരിക്കുമോ, താൻ തിരിച്ച് എന്ത് സംസാരിക്കും, തന്നെപ്പറ്റി എന്തു കരുതും എന്നൊക്കെയാണ് ടെൻഷൻ. അങ്ങനെ വരുമ്പോൾ താൻ പതിയെ അവിടെ നിന്നും മാറി നിൽക്കും. അവിടേക്കും അവരെത്തി തന്നോട് സംസാരിക്കുകയാണെങ്കിൽ താൻ തീർച്ചയായും സംസാരിക്കും. താൻ ജാഡയാണെന്നും അഹങ്കാരിയാണെന്നും ചിലർ കരുതാറുണ്ടെന്നും ലക്ഷ്മി പറഞ്ഞു.
ഫോൺ കോൾ എടുക്കലും തനിക്ക് ബുദ്ധിമുട്ടാണ്. മിഥുൻ ചേട്ടൻ, തൻവി, അമ്മ ഇവരല്ലാതെ ആരു വിളിച്ചാവലും തനിക്ക് ഫോണിൽ സംസാരിക്കാൻ മടിയാണ്. എല്ലാവർക്കും മെസേജ് ചെയ്യലാണ് പതിവ്. താൻ അച്ഛന്റെ സ്നേഹം എന്താണെന്ന് അറിഞ്ഞിട്ടില്ല. ഒന്നോ രണ്ടോ തവണ മാത്രമാണ് താൻ അച്ഛനെ ആകെ ജീവിതത്തിൽ കണ്ടിട്ടുള്ളത്. കണ്ടപ്പോഴും അങ്ങനെ നല്ല സമീപനമൊന്നുമായിരുന്നില്ല അച്ഛന് തന്നോട് ഉണ്ടായിരുന്നത്. തന്നോട് വലിയ താത്പര്യമൊന്നുമില്ലാത്ത പെരുമാറ്റമാണ് കണ്ടപ്പോഴും അച്ഛന്റെ ഭാഗത്ത് നിന്നും ഉണ്ടായിരുന്നത്. തനിക്ക് വെറും മൂന്ന് മാസം മാത്രം പ്രായമായപ്പോഴാണ് അച്ഛനുമായി പിരിഞ്ഞ് അമ്മ സ്വന്തം വീട്ടിൽ വന്ന് നിന്നത്. തനിക്ക് നാലു വയസായപ്പോഴേക്കും ഇരുവരും തമ്മിൽ നിയമപരമായി വേർപിരിഞ്ഞുവെന്നും ലക്ഷ്മി കൂട്ടിച്ചേർത്തു.