തിരുവനന്തപുരം: നടി സുരഭി സന്തോഷ് വിവാഹിതയായി. ബോളിവുഡ് ഗായകൻ പ്രണവ് ചന്ദ്രനാണ് സുരഭിയെ വിവാഹം ചെയ്തത്. വിവാഹ ചിത്രങ്ങൾ സുരഭി തന്റെ സാമൂഹ്യ മാദ്ധ്യമത്തിലൂടെ പങ്കുവെച്ചിട്ടുണ്ട്. ‘കുട്ടനാടൻ മാർപ്പാപ്പ’ എന്ന ചിത്രത്തിൽ കുഞ്ചാക്കോ ബോബന്റെ നായികയായി സുരഭി അഭിനയിച്ചിട്ടുണ്ട്.
മാർഗംകളി, ദ ഗ്രേറ്റ് ഗ്രാൻഡ്ഫാദർ, നെറ്റ്ഡ്രൈവ്, ഹാപ്പി സർദാർ, കിനാവള്ളി, നാലാം മുറ, പത്മ, ത്രയം തുടങ്ങിയ സിനിമകളിലെല്ലാം സുരഭി വേഷമിട്ടിട്ടുണ്ട്. കന്നട, തമിഴ് സിനിമകളിലും താരം അഭിനയിച്ചിരുന്നു.
സുരഭിയുടെ വരൻ സരിഗമ ലേബലിലെ ആർടിസ്റ്റാണ്. മുംബൈയിൽ ജനിച്ചുവളർന്നയാളാണ് പ്രണവ്. കഴിഞ്ഞ നവംബറിലായിരുന്നു ഇരുവരുടെയും വിവാഹ നിശ്ചയം കഴിഞ്ഞത്. വിവാഹ നിശ്ചയത്തിന്റെ ചിത്രങ്ങളും സാമൂഹ്യ മാദ്ധ്യമങ്ങളിൽ വൈറലായിരുന്നു.