തന്റെ ജീവിതത്തിലെ ഏറ്റവും പ്രിയപ്പെട്ട പ്രണയിനിയെ കുറിച്ച് സംസാരിച്ച് നടൻ കമൽ ഹാസൻ. നദി ശ്രീവിദ്യയെ കുറിച്ചാണ് കമൽ സംസാരിച്ചത്. ശ്രീവിദ്യയുമായുള്ള സിനിമ എടുക്കുമ്പോൾ തനിക്ക് 19 വയസാണ് പ്രായം. തന്റെ കഴിവുകളെ മനസിലാക്കിയ പ്രണയിനി എന്ന് തന്നെ പറയാം. അഭിനയത്തിനിടയിൽ അത് പ്രണയമായി മാറിയതാണോ എന്നൊന്നും അറിയില്ല. പക്ഷെ ഒരിക്കലും മറക്കാൻ പറ്റാത്ത തരത്തിൽ അത് അവസാനം വരെ രണ്ട് പേർക്കിടയിലും ഉണ്ടായിരുന്നുവെന്ന് കമൽഹാസൻ പറഞ്ഞു.
തനിക്ക് വളരെ പ്രധാനപ്പെട്ട പ്രണയമാണ് അത്. കല്യാണത്തിലൊന്നും അവസാനിക്കേണ്ട ആവശ്യമില്ലെന്നും താരം അഭിപ്രായപ്പെട്ടു. ഗൗതമിയെ കുറിച്ച് കമൽ ഹാസൻ പറഞ്ഞ വാക്കുകളം ഇപ്പോൾ ശ്രദ്ധനേടുന്നുണ്ട്. പ്രണയത്തിന് വെവ്വേറെ രൂപങ്ങളുണ്ട്. ഗൗതമി അതുപോലെയാണ്. ഇവർ ജീവിതത്തിൽ തന്റെ തുണയായി വരും എന്ന് ഒരിക്കലും കരുതിയിരുന്നവരല്ല. ആദ്യം കാണുമ്പോൾ ഒരു ഗ്ലാമർ പെൺകുട്ടി എന്ന് മാത്രമാണ് ചിന്തിച്ചത്. പക്ഷെ ഇവരോട് ഒരുമിച്ച് ഇടപഴകുമ്പോഴാണ് അവരെ മനസിലാകുന്നത്. അവരുടെ ഉള്ളിലുള്ള ചിന്തകളെന്താണെന്ന് അവർ പുറത്ത് കാണിക്കില്ല. സാധാരണമായി ഇരിക്കും. അതിന് ശേഷം തങ്ങൾ തമ്മിൽ ഒരു സൗഹൃദവും പിന്നീട് അത് ഒരു ബന്ധമായും വളർന്നുവെന്ന് താരം കൂട്ടിച്ചേർത്തു.