രൺബീർ കപൂർ നായകനാകുന്ന രാമായണം എന്ന ചിത്രത്തിൽ അഭിനയിക്കാനില്ലെന്ന് വിജയ് സേതുപതി വ്യക്തമാക്കിയതായി റിപ്പോർട്ട്. നിതീഷ് തിവാരി സംവിധാനത്തിൽ രൺബീർ കപൂർ നായകനായി എത്തുന്ന രാമായണം എന്ന ചിത്രത്തിൽ രാവണന്റെ ഇളയ സഹോദരനായ വിഭീഷണനായി പരിഗണിക്കുന്നത് വിജയ് സേതുപതിയെ ആണെന്ന റിപ്പോർട്ടുകളുണ്ടായിരുന്നു. ഈ വാർത്തകൾക്ക് പിന്നാലെയാണ് താത്പര്യ മില്ലെന്ന് അറിയിച്ച് വിജയ് സേതുപതി രംഗത്തെത്തിയതെന്നാണ് വിവരം.
ഇനി അധികം വില്ലൻ വേഷങ്ങൾ അവതരിപ്പിക്കാൻ ആഗ്രഹിക്കുന്നില്ലെന്ന തീരുമാനത്തിൽ ഉറച്ചുനിൽക്കാനാണ് വിജയ് സേതുപതിയുടെ തീരുമാനം. ഇക്കാര്യം ചൂണ്ടിക്കാട്ടിയാണ് വിജയ് സേതപതി ഈ വേഷം നിരസിച്ചതെന്നും റിപ്പോർട്ടുകളുണ്ട്. വിജയ് സേതുപതിയ്ക്ക് പകരം ഹർമൻ ബവേജയെ ഈ വേഷം ചെയ്യാനായി തിരഞ്ഞെടുത്തുവെന്ന സൂചനകളും പുറത്തു വരുന്നുണ്ട്.
മൂന്ന് ഭാഗങ്ങളായിട്ടാണ് ചിത്രം ഒരുങ്ങുന്നത്. നിലവിൽ ഈ ചിത്രം പ്രീ – പ്രൊഡക്ഷൻ ഘട്ടത്തിലാണ്. 2025ൽ ചിത്രം റിലീസ് ചെയ്യുമെന്നാണ് പ്രതീക്ഷിക്കുന്നത്. ചിത്രത്തിലെ ആദ്യ ഭാഗം സീതയെ തട്ടിക്കൊണ്ടു പോകുന്നതാണ്.