ചെന്നൈ: ജീവിതത്തിലെ ഏറ്റവും പ്രയാസം ഏറിയ വർഷത്തെ കുറിച്ച് തുറന്ന് പറഞ്ഞ് തെന്നിന്ത്യൻ താര സുന്ദരി സാമന്ത. നാഗചൈതന്യമായുള്ള വേർപിരിയൽ വർഷം ഏറെ പ്രയാസമായിരുന്നു എന്ന് സാമന്ത പറഞ്ഞു. തന്റെ പോഡ് കാസ്റ്റിലാണ് സാമന്ത ഇത് സംബന്ധിച്ച വെളിപ്പെടുത്തൽ നടത്തിയത്.
ഏറെ ആരാധകരുള്ള നടിമാരിൽ ഒരാളാണ് സാമന്ത. സാമന്തയുടെ ചിത്രങ്ങൾക്കെല്ലാം വലിയ പ്രേക്ഷകപ്രീതിയാണ് ലഭിക്കുന്നത്. അതേസമയം മൈസ്റ്റൈറ്റിസ് എന്ന രോഗം കുറേക്കാലമായി സാമന്തയെ അലട്ടുന്നുണ്ട്.
ഈ രോഗത്തിന്റെ ചികിത്സയുടെ ഭാഗമായി താരം സിനിമയിൽ നിന്ന് ചെറിയൊരു ഇടവേള എടുത്തിരിക്കുകയാണ്. ഖുഷി എന്ന ചിത്രത്തിലാണ് സാമന്ത അവസാനമായി അഭിനയിച്ചത്. ചികിത്സയുടെ ഭാഗമായുള്ള ഇടവേളയിലാണ് സാമന്ത പോഡ് കാസ്റ്റ് ആരംഭിച്ചത്. ഇതിനിടെ സാമന്ത രണ്ടാമതും വിവാഹിതയായേക്കും എന്ന വാർത്തകളും പ്രചരിക്കുന്നുണ്ട്.