ആരാധകർ കാത്തിരുന്ന മടങ്ങിവരവിന് ഒരുങ്ങി അമീർഖാൻ. നീണ്ട ഇടവേളയ്ക്കുശേഷം സ്വന്തം പ്രൊഡക്ഷൻ കമ്പനിയുടെ ബാനറിൽ നിർമ്മിക്കുന്ന ചിത്രത്തിലൂടെയാണ് നടൻ മടങ്ങി വരുന്നത്. ഈ സിനിമയുടെ നിർമ്മാണം അണിയറയിൽ പുരോഗമിക്കുകയാണ്. 2024 ക്രിസ്മസിൽ ചിത്രം പുറത്തിറങ്ങും എന്നാണ് പുറത്ത് വരുന്ന വിവരങ്ങളിൽ നിന്നും അറിയാൻ കഴിയുന്നത് . അമീർഖാൻ പ്രധാന വേഷത്തിൽ എത്തുന്ന പുതിയ ചിത്രത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല .
2022ൽ ഇറങ്ങിയ ലാൽസിങ് ഛദ്ദ എന്ന ചിത്രത്തിനു ശേഷമാണ് താരം നീണ്ട ഇടവേള എടുത്തത്. ഏറെ പ്രതീക്ഷയോടെ റിലീസ് ചെയ്ത ചിത്രത്തിന് ബോക്സ് ഓഫീസിൽ തരംഗം സൃഷ്ടിക്കാനായില്ല. എന്നാൽ താൻ സിനിമയിൽ നിന്ന് ഇടവേള എടുക്കുന്നതിന്റെ കാരണം ചിത്രത്തിന്റെ പരാജയം അല്ലെന്ന് ആമിർഖാൻ വ്യക്തമാക്കിയിരുന്നു. കുടുംബത്തിനൊപ്പം സമയം ചിലവഴിക്കാൻ ആണ് താൻ ഇടവേള എടുക്കുന്നതെന്നായിരുന്നു താരം അന്ന് വിശദീകരിച്ചത്.