ഭൂതകാലമെന്ന ഹൊറർ ചിത്രത്തിൻറെ സംവിധായകൻ രാഹുൽ സദാശിവൻ മമ്മൂട്ടിയെ നായകനാക്കി പുതിയ സിനിമയുമായെത്തുന്നു. ഭ്രമയുഗം എന്ന് പേരിട്ടിരിക്കുന്ന ചിത്രത്തിൻറെ ഷൂട്ടിംഗ് ആരംഭിച്ചു കഴിഞ്ഞു. വൈ നോട്ട് സ്റ്റുഡിയോസും നൈറ്റ് ഷിഫ്റ്റ് സ്റ്റുഡിയോസും ചേർന്ന് ആദ്യമായി നിർമിക്കുന്ന ചിത്രമാണിത്. ‘മമ്മൂക്കയെ നായകനാക്കി സംവിധാനം ചെയ്യുക എന്നത് എന്റെ സ്വപ്നമായിരുന്നു. കേരളത്തിന്റെ ഇരുണ്ട കാലത്തെ പറ്റി പറയുന്ന കഥയാണിത്. ലോകമെമ്പാടുമുള്ള മമ്മൂക്കയുടെ ആരാധകർക്ക് ഇതൊരു ദൃശ്യ വിരുന്നായിരിക്കും എന്നായിരുന്നു ചിത്രത്തിൻറെ സംവിധായകൻ രാഹുൽ സദാശിവന്റെ പ്രതികരണം.
നൈറ്റ് ഷിഫ്റ്റ് സ്റ്റുഡിയോസ് ഹൊറാർ ത്രില്ലർ ചിത്രങ്ങൾക്ക് വേണ്ടി മാത്രം ആരംഭിച്ചിരിക്കുന്ന പ്രൊഡക്ഷൻ ഹൗസാണ്. കൊച്ചി, ഒറ്റപ്പാലം എന്നിവിടങ്ങളിലാണ് ഭ്രമയുഗം ചിത്രീകരിച്ചിരിക്കുന്നത്. അർജുൻ അശോകൻ, സിദ്ധാർഥ് ഭരതൻ, അമൽദ ലിസ് തുടങ്ങിയവർ ചിത്രത്തിൽ പ്രധാന വേഷത്തിലെത്തുന്നുണ്ട്.