സാഗര്‍ ഹരിയുടെ സംവിധാനത്തില്‍ ധ്യാന്‍ ശ്രീനിവാസനെ കേന്ദ്ര കഥാപാത്രമായി അവതരിപ്പിക്കുന്ന ഏറ്റവും പുതിയ ചിത്രം ‘സത്യം മാത്രമേ ബോധിപ്പിക്കൂ’ ഈ മാസം 31ന് തിയേറ്ററുകളില്‍ പ്രദര്‍ശനത്തിന് എത്തും. സിനിമയുടെ തിരക്കഥ ഒരുക്കിയിരിക്കുന്നതും സാഗര്‍ തന്നെയാണ്.
ഒരു ഐപിഎസ് ഉദ്യോഗസ്ഥനായിട്ടാണ് ധ്യാന്‍ ചിത്രത്തില്‍ അഭിനയിക്കുന്നത്. സുധീഷ്, ജോണി ആന്റണി, അംബിക എന്നിവരാണ് ചിത്രത്തിലെ മറ്റ് താരങ്ങള്‍. സ്മൃതി സിനിമാസിന്റെ ബാനറില്‍ ബാലമുരളിയാണ് നിര്‍മാണം. ധനേഷ് രവീന്ദ്രനാഥ് ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ അജേഷ് ആനന്ദാണ്. ധ്യാനിന്റേതായി അണിയറയില്‍ പാതിരാ കുര്‍ബാന, ഹിഗ്വിറ്റ, പൗഡര്‍ സിന്‍സ് 1905, 9 എംഎം എന്നീ ചിത്രങ്ങള്‍ ഒരുങ്ങുന്നുണ്ട്.