പ്രശസ്ത കവിയും സാഹിത്യ വിമർശകനുമായ ഇ വി രാമകൃഷ്ണന് കേന്ദ്ര സാഹിത്യ അക്കാദമി പുരസ്കാരം. പുരസ്‌കാരത്തിന് അർഹനാക്കിയത് മലയാള നോവലിൻ്റെ ദേശ കാലങ്ങൾ എന്ന കൃതിയാണ്. പുരസ്കാരം വിതരണം മാർച്ച് 12ന് ചെയ്യും. ഒരു ലക്ഷം രൂപയും, പ്രശസ്തിപത്രവും, ഫലകവും അടങ്ങുന്നതാണ് പുരസ്കാരം.
കേരള സാഹിത്യ അക്കാദമി, ഓടക്കുഴൽ പുരസ്കാരങ്ങൾ എന്നിവ ഇതിന് മുൻപ് രാമകൃഷ്ണന് ലഭിച്ചിട്ടുണ്ട്.
ഇദ്ദേഹത്തിന്റെ ഏറ്റവും ശ്രദ്ധേയമായ കൃതി അക്ഷരവും ആധുനികതയും ആണ്. ഇന്ത്യൻ നോവൽ പശ്ചാത്തലത്തിൽ മലയാള നോവലുകളെ മുൻനിർത്തി ദേശീയതയുടെ പരിവേഷങ്ങളെയും നിഗൂഢവത്ക്കരണങ്ങളെയും അപഗ്രഥിക്കുന്ന ഗ്രന്ഥമാണ് പുരസ്കാരത്തിനർഹമായ മലയാള നോവലിന്റെ ദേശകാലങ്ങൾ എന്ന കൃതി.