തിരുവനന്തപുരം: പാലസ്തീനികളെ വംശഹത്യ ചെയ്യുന്ന നെതന്യാഹു ഭരണകൂടത്തിന്റെ ആക്രമണത്തെക്കുറിച്ച് കോൺഗ്രസുകാർ മിണ്ടാത്തതെന്താണെന്ന് സി.പി.എം പോളിറ്റ് ബ്യൂറോ അംഗം എം.എ. ബേബി. ഇന്ത്യയിലെ ഹിന്ദുത്വ വർഗീയ വാദികളെ ഭയന്നിട്ടാണോ കോൺഗ്രസുകാർ ഇക്കാര്യത്തിൽ പ്രതികരിക്കാത്തത്.കോൺഗ്രസിന്റെ പരമ്പരാഗത പാലസ്തീൻ അനുകൂല നിലപാട് തന്നെയാണോ രാഹുൽ ഗാന്ധിയ്ക്കും ഉള്ളത്.
മഹാത്മാ ഗാന്ധിയും ജവഹർലാൽ നെഹ്റുവും എടുത്ത നിലപാടെന്നും അദ്ദേഹം ഫേസ്ബുക്കിൽ കുറിച്ചു.ഐക്യരാഷ്ട്ര സഭയിൽ മുതിർന്ന ഉദ്യോഗസ്ഥനായിരുന്ന, സെക്രട്ടറി ജനറൽ പദവിയിലേക്ക് മത്സരിച്ച ഡോ. ശശി തരൂരിനെങ്കിലും ഇക്കാര്യത്തിൽ ഒരു അഭിപ്രായം ഉണ്ടാകുമോ.ഇന്ത്യയുടെ വിദേശകാര്യ സഹമന്ത്രി ആയിരുന്ന ആളല്ലേ അദ്ദേഹമെന്നും ബേബി തന്റെ ഫേസ്ബുക്ക് പോസ്റ്റിൽ പറയുന്നു.