വാഹനങ്ങൾക്കുള്ള ഇൻഷുറൻസ് പ്രീമീയം തുക കുറക്കുന്നത് കമ്പനികൾ പരിഗണിക്കണമെന്ന് ഗതാഗത മന്ത്രി

റോഡുകളിൽ ക്യാമറ സ്ഥാപിച്ചതിന് ശേഷം അപകട നിരക്കുകൾ കുറഞ്ഞു. അതിനാൽ വാഹനങ്ങൾക്കുള്ള ഇൻഷുറൻസ് പ്രീമീയം തുക കുറക്കുന്നത് കമ്പനികൾ പരിഗണിക്കണമെന്ന് ഗതാഗത മന്ത്രി. ഇൻഷുറൻസ് കമ്പനികളുമായി നടത്തിയ ചർച്ചയിലാണ് മന്ത്രി ഇക്കാര്യം ആവശ്യപ്പെട്ടത്. നിർദ്ദേശം പരിഗണിക്കാമെന്ന് കമ്പനികൾ യോഗത്തിൽ അറിയിക്കുകയും ചെയ്തു. നിയമം പാലിച്ച് ഓടിക്കുന്ന വാഹനങ്ങൾക്ക് ഇൻഷുറൻസ് പ്രീമിയം കുറയ്ക്കുക, ഇൻഷുറൻസ് ഇല്ലാതെ പിടിച്ചെടുക്കുന്ന വാഹനങ്ങൾ നിയമലംഘനം നടത്തുന്ന വാഹനങ്ങൾക്ക് ഇൻഷുറൻസ് പുതുക്കാതിരിക്കുക തുടങ്ങിയ ആവശ്യങ്ങളാണ് മുന്നോട്ട് വച്ചത്.