ഉന്നതവിദ്യാഭ്യാസ സ്ഥാപനങ്ങളിലെ അസിസ്റ്റന്റ് പ്രൊഫസർ തസ്തികയിലേയ്‌ക്ക് നേരിട്ടുള്ള നിയമനങ്ങൾക്ക് ഇനിമുതൽ പിഎച്ച്ഡി നിർബന്ധമില്ല. നെറ്റ്, സെറ്റ്, എസ്എൽഇടി എന്നിവ മതിയാകുമെന്ന് യുജിസി അദ്ധ്യക്ഷൻ എം ജഗദീഷ് കുമാർ വ്യക്തമാക്കി.
അസിസ്റ്റന്റ് പ്രൊഫസർ ആകുന്നതിനായി പിഎച്ച്ഡി ആവശ്യമില്ലെന്നും കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാനും വ്യക്തമാക്കി. എന്നാൽ അസോസിയേറ്റ് പ്രൊഫസർമാരുടെയും പ്രൊഫസർമാരുടെയും തലത്തിൽ ഇത് ആവശ്യമായിരിക്കുമെന്നും മന്ത്രി പറഞ്ഞു. ഇനിമുതൽ അസിസ്റ്റന്റ് പ്രൊഫസർ അകാൻ കേരളത്തിൽ കുറഞ്ഞ യോഗ്യത നെറ്റ് ആയിരിക്കുമെന്ന് അദ്ദേഹം വ്യക്തമാക്കി.