തിരുവനന്തപുരത്തും വാക്‌സിന്‍ക്ഷാമം

തിരുവനന്തപുരം: നിലവിലെ സ്റ്റോക്ക് എല്ലാം വിതരണം ചെയ്തതോടെ തിരുവനന്തപുരം റീജിയനില്‍ വാക്‌സിന്‍ ക്ഷാമം രൂക്ഷം. ഈ സാഹചര്യത്തില്‍ പുതിയ സ്റ്റോക്ക് വാക്‌സിന്‍ എത്തിയില്ലെങ്കില്‍് വാക്‌സിനേഷന്‍് മുടങ്ങുമെന്ന് ആരോഗ്യ വകുപ്പ് അധികൃതര്‍ അറിയിച്ചു.
മഹാരാഷ്ട്രയിലെ പല ജില്ലയിലും ക്ഷാമം കാരണം വാക്‌സിന് വിതരണം നിര്‍്ത്തി.അടിയന്തരമായി 30 ലക്ഷം ഡോസ് വാക്‌സിന് വേണമെന്ന് ആവശ്യപ്പെട്ട് രാജസ്ഥാന്‍ മുഖ്യമന്ത്രി അശോക് ഗെലോട്ട് പ്രധാനമന്ത്രിക്ക് കത്തയച്ചു. ആന്ധ്രയില്‍് വാക്‌സിന്‍് ശേഷിക്കുന്നത് 1.2 ദിവസത്തേക്കുമാത്രമാണ്. ബീഹാറില്‍ 1.6 ദിവസത്തേക്കും ഉത്തരാഖണ്ഡില്‍ 2.9 ദിവസത്തേക്കും ഒഡിഷയില്‍ 4.4 ദിവസത്തേക്കും മാത്രം ശേഷിക്കുന്നു.അതേസമയം ഈ സാഹചര്യത്തില്‍ സിറം ഇന്‍സ്റ്റിറ്റ്യൂട്ട് ഓഫ് ഇന്ത്യ അടുത്ത മാസത്തോടെ പ്രതിമാസ ഉല്പാദനം 70 മില്യണ്‍ ഡോസില്‍ നിന്ന് 100 മില്യണ്‍ ഡോസ് ആക്കി ഉയര്ത്തുമെന്നാണ് റിപ്പോര്‍ട്ട്.