ദാരിദ്ര്യരേഖയ്ക്കു താഴെയുള്ള ദലിത് കുടുംബത്തിന് ധനസഹായം പ്രഖ്യാപിച്ച് കെ.ചന്ദ്രശേഖര റാവു

On: June 29, 2021

ഹൈദരാബാദ്: ദലിത് ശാക്തീകരണം ലക്ഷ്യമിട്ട ദാരിദ്ര്യരേഖയ്ക്കു താഴെയുള്ള ഓരോ ഗുണഭോക്തൃ ദലിത് കുടുംബത്തിനും 10 ലക്ഷം രൂപ ധനസഹായം പ്രഖ്യാപിച്ച് തെലങ്കാന മുഖ്യമന്ത്രി കെ.ചന്ദ്രശേഖര റാവു. ഇതിനായി സര്‍ക്കാര്‍ 1200 കോടി രൂപ നീക്കി വയ്ക്കും. മുഖ്യമന്ത്രി വിളിച്ചു ചേര്‍ത്ത സര്‍വകക്ഷി യോഗത്തിലാണ് തീരുമാനം. ഈ പദ്ധതി പ്രകാരം ദലിത് ഗുണഭോക്താക്കള്‍ക്ക് ബാങ്ക് ഗ്യാരന്റി ഇല്ലാതെ സഹായം നല്കും.ദലിത് വിഭാഗത്തിലുള്ളവരെ സാമ്പത്തികമായി സ്വയംപര്യാപ്തരാക്കുകയെന്ന ലക്ഷ്യത്തോടെയുള്ള രാജ്യത്തെ ആദ്യത്തെ സംരംഭമാണിതെന്നാണ് സര്‍ക്കാര്‍ അവകാശവാദം.

Previous Post: കൊച്ചിയെ ലോക ശ്രദ്ധയാകർഷിക്കുന്ന കായിക നഗരമായി വളർത്തിയെടുക്കും; സമഗ്രകായിക നയം രൂപവത്കരിക്കുമെന്ന് വി അബ്ദുറഹ്മാൻ

Next Post: ഉമ്മന്‍ചാണ്ടിക്കെതിരെ വ്യാജകത്ത് : ഗണേഷ്‌കുമാര്‍ എംഎല്‍എയക്കും സരിതയ്ക്കുമെതിരെ കേസെടുത്തു

പക്ഷിപ്പനി; ജനങ്ങൾക്ക് ജാഗ്രതാ നിർദ്ദേശവുമായി ആരോഗ്യവകുപ്പ്

തിരുവനന്തപുരം: ആലപ്പുഴയിൽ 2 സ്ഥലങ്ങളിലെ താറാവുകളിൽ പക്ഷിപ്പനി അഥവാ ഏവിയൻ ഇൻഫ്‌ളുവൻസ (എച്ച്5 എൻ1) കണ്ടെത്തിയ സാഹചര്യത്തിൽ ആരോഗ്യ വകുപ്പ് പ്രതിരോധ പ്രവർത്തനങ്ങൾ ശക്തമാക്കിയതായി ആരോഗ്യ മന്ത്രി വീണാ ജോർജ്. ആരോഗ്യ വകുപ്പിന്റെ നേതൃത്വത്തിൽ അടിയന്തര യോഗം ചേർന്ന് സ്ഥിതിഗതികൾ വിലയിരുത്തി. പക്ഷിപ്പനി പ്രതിരോധത്തിനായി എസ്.ഒ.പി. പുറത്തിറക്കി. ഇതുകൂടാതെ ജില്ലാ കളക്ടറും യോഗം ചേർന്ന് നടപടികൾ സ്വീകരിച്ചു വരുന്നു. പക്ഷിപ്പനി മനുഷ്യരെ ബാധിക്കാതിരിക്കാൻ മുൻ കരുതലുകൾ സ്വീകരിക്കണം. 2023ലെ കേരള പൊതുജനാരോഗ്യ നിയമമനുസരിച്ച് വിവിധ വകുപ്പുകളെ ഏകോപിപ്പിച്ച് നടപടി സ്വീകരിക്കാൻ നിർദേശം നൽകി. ആരോഗ്യ വകുപ്പ് നൽകുന്ന മാർഗനിർദേശങ്ങൾ എല്ലാവരും കർശനമായി പാലിക്കണം. രോഗബാധിത പ്രദേശങ്ങളിലുള്ളവരിലെ പനിയും മറ്റ് രോഗലക്ഷണങ്ങളും രണ്ടാഴ്ചക്കാലം പ്രത്യേക നിരീക്ഷണത്തിന് വിധേയമാക്കുമെന്നും മന്ത്രി വ്യക്തമാക്കി. പക്ഷിപ്പനി റിപ്പോർട്ട് ചെയ്ത പ്രദേശത്തിന്റെ 3 കിലോ മീറ്റർ ചുറ്റളവിൽ ഫീവർ സർവേ നടത്തുകയും പനിയുള്ളവരിലെ തൊണ്ടയിലെ സ്രവമെടുത്ത് പരിശോധിച്ച് പക്ഷിപ്പനിയല്ലെന്ന് ഉറപ്പ് വരുത്തുകയും ചെയ്യും. ആശാ പ്രവർത്തകരുടേയും ഫീൽഡ്തല ജീവനക്കാരുടേയും നേതൃത്വത്തിൽ ഫീൽഡ്തല പ്രവർത്തനങ്ങൾ ശക്തമാക്കും. പക്ഷിപ്പനി ബാധിച്ച പക്ഷികളുമായി ഇടപെട്ടവർ ക്വാറന്റൈൻ കൃത്യമായി പാലിക്കണം. ഈ പ്രദേശത്തിന് 10 കിലോ മീറ്റർ ചുറ്റളവിൽ വരുന്ന പ്രദേശങ്ങളിൽ നിരീക്ഷണം ശക്തിപ്പെടുത്തും. ഏതെങ്കിലും തരത്തിലുള്ള പക്ഷി മരണങ്ങൾ കണ്ടെത്തുന്ന സാഹചര്യത്തിൽ അപ്പോൾ തന്നെ റിപ്പോർട്ട് ചെയ്യണം. വൺ ഹെൽത്ത് പരിശീലനം ലഭിച്ച വോളണ്ടിയർമാരുടെ സേവനവും ലഭ്യമാക്കും. ഏതെങ്കിലും സാഹചര്യത്തിൽ മനുഷ്യരിൽ പക്ഷിപ്പനി കേസുകൾ റിപ്പോർട്ട് ചെയ്യുന്നെങ്കിൽ ഐസൊലേഷൻ സെന്ററായി ആലപ്പുഴ ജനറൽ ആശുപത്രി സജ്ജീകരിച്ചിട്ടുണ്ട്. പക്ഷിപ്പനിയുമായി ബന്ധപ്പെട്ട് റെഡ് സോണിൽ നിന്നും വരുന്ന ഫീവർ കേസുകൾ നേരിട്ട് ജനറൽ ഒ.പി യിൽ വരുന്നതിന് പകരം ആരോഗ്യവകുപ്പ് ജീവനക്കാരെ മുൻകൂട്ടി അറിയിച്ച് ഇതിനായി സജ്ജമാക്കിയ പ്രത്യേക ഒ.പി. സൗകര്യം പ്രയോജനപ്പെടുത്തേണ്ടതാണ്. പക്ഷിപ്പനിയുമായി ബന്ധപ്പെട്ട ഗുരുതര കേസുകളുണ്ടായാൽ ചികിത്സിക്കാനായി ആലപ്പുഴ മെഡിക്കൽ കോളേജിൽ സൗകര്യമൊരുക്കും. സുപ്രണ്ടിന്റെ നേതൃത്വത്തിൽ ഐസൊലേഷൻ വാർഡ് സജ്ജീകരിക്കാൻ നിർദേശം നൽകി. പ്രവർത്തനങ്ങൾ ഏകോപിപ്പിക്കാൻ ഒരു നോഡൽ ഓഫീസറെ നിയമിക്കും. ഈ പ്രദേശത്തെ പ്രവർത്തനങ്ങൾ ഏകോപിപ്പിക്കാനും സർവൈലൻസ് പ്രവർത്തനങ്ങൾ ശക്തിപ്പെടുത്തുന്നതിനുമുള്ള പൂർണമായ ചുമതല അതാത് ആരോഗ്യ സ്ഥാപനങ്ങളിലെ മെഡിക്കൽ ഓഫീസർ, ഹെൽത്ത് ഇൻസ്‌പെക്ടർ എന്നിവർക്കായിരിക്കും. ഇത്തരം പ്രദേശങ്ങളിൽ ആവശ്യമായ ബോധവത്ക്കരണ പ്രവർത്തനങ്ങൾ ഉറപ്പു വരുത്തേണ്ടതാണ്. ജില്ലയിലെ എല്ലാ ആരോഗ്യ സ്ഥാപനങ്ങളും പിപിഇ കിറ്റ്, ഒസൽറ്റാമിവിർ എന്നിവയുടെ സ്റ്റോക്ക് ഉറപ്പാക്കണം. പക്ഷികളുമായി ഇടപെട്ടവർക്കോ, നശീകരണ പ്രവർത്തനങ്ങളിൽ ഏർപ്പെട്ടവർക്കോ, കർഷകർക്കോ ഏതെങ്കിലും തരത്തിലുള്ള പനി റിപ്പോർട്ട് ചെയ്യുന്ന സാഹചര്യത്തിൽ ആശുപത്രിയിലേക്ക് മാറ്റാനായി പ്രത്യേക ആംബുലൻസ് സൗകര്യം ഉപയോഗിക്കേണ്ടതാണ്. അടിയന്തിര സഹായങ്ങൾക്ക് ജില്ലാ മെഡിക്കൽ ഓഫീസിലെ നമ്പറിൽ (0477 2251650) ബന്ധപ്പെടുക.
കുട്ടി നിക്കറിട്ടുകൊണ്ട് ദൈവങ്ങളുടെ പാട്ട് പാടാമോ; വിമർശനങ്ങൾക്ക് മറുപടിയുമായി ഗൗരി ലക്ഷ്മി

കുട്ടി നിക്കറിട്ടുകൊണ്ട് ദൈവങ്ങളുടെ പാട്ട് പാടാമോയെന്ന വിമർശനങ്ങൾക്ക് തക്ക മറുപടിയുമായി ഗായിക ഗൗരി ലക്ഷ്മി. ആർക്ക് വേണമെങ്കിലും ദൈവത്തിന്റെ പാട്ട് പാടാമെന്നും അതിന് എവിടെ എങ്ങനെ നിൽക്കണമെന്ന് ഒരിടത്തും എഴുതിവെച്ചിട്ടില്ലെന്നും ഗൗരി പറഞ്ഞു. അതൊക്കെ പുതുതായി ആളുകൾ ഉണ്ടാക്കിയ നിയമങ്ങളാണ്. ഒരു ഓൺലൈൻ മാദ്ധ്യമത്തിന് നൽകിയ പ്രത്യേക അഭിമുഖത്തിൽ സംസാരിക്കവെയാണ് ഗൗരി തന്റെ നിലപാട് വ്യക്തമാക്കിയത്. മാറ്റം വരുന്നിടത്തൊക്കെ റെസിസ്റ്റൻസ് ഉണ്ടാകും. അത് നാച്ചുലറാണ്. അത് മനസിലാകുന്നിടത്ത് എല്ലാം സിംപിളാകും. റെസിസ്റ്റൻസ് വളരെ സാധാരണമാണ്. ഏത് വിഷയം എടുത്താലും റെസിസ്റ്റൻസ് ഉണ്ടാകും. പുതിയ കാലഘട്ടത്തിൽ ഇങ്ങനെ, പഴയ കാലഘട്ടത്തിൽ ഇങ്ങനെ എന്നൊന്നുമില്ല. ഏത് കാലഘട്ടത്തിലും എന്ത് കാര്യത്തിലും റെസിസ്റ്റൻസ് ഉണ്ട്. ഈ കാലഘട്ടത്തിൽ പെൺകുട്ടികൾ നിക്കർ ധരിച്ച് നടന്നാൽ അത് വലിയ പ്രശ്നമാകും. തന്റെ അമ്മയുടെയൊക്കെ കോളേജ് കാലഘട്ടത്തിൽ ചുരിദാർ ധരിച്ച് നടക്കുന്നതായിരുന്നു വലിയ പ്രശ്നം. ഇഷ്ടമുള്ളത് നിങ്ങൾ ചെയ്യുകയെന്നതേയുള്ളു. ആളുകൾ യൂസ്ഡ് ആകുന്നതിന് അനുസരിച്ച് റെസിസ്റ്റൻസ് കുറഞ്ഞു കുറഞ്ഞു വരുമെന്നും ഗൗരി അഭിപ്രായപ്പെട്ടു.
കെഎംഎംഎലും സിഎംആർഎലും തമ്മിലുള്ള ബന്ധമെന്ത്; ചോദ്യവുമായി വിജിലൻസ് കോടതി

തിരുവനന്തപുരം: കെഎംഎംഎലും സിഎംആർഎലും തമ്മിലുള്ള ബന്ധമെന്താണെന്നും ഇവർ തമ്മിലുള്ള കരാർ എന്തായിരുന്നുവെന്ന ചോദ്യവുമായി തിരുവനന്തപുരം വിജിലൻസ് കോടതി. മുഖ്യമന്ത്രി പിണറായി വിജയനും മകൾ വീണ വിജയനുമെതിരെ വിജിലൻസ് അന്വേഷണം ആവശ്യപ്പെട്ട് മാത്യു കുഴൽനാടൻ എംഎൽഎ നൽകിയ ഹർജിയിലാണ് കോടതി ചോദ്യങ്ങൾ ഉന്നയിച്ചത്. മാത്യു കുഴൽനാടന്റെ മാസപ്പടി ഹർജി പരിഗണിക്കവെയാണ് കോടതി ഇതുസംബന്ധിച്ച ചോദ്യം ഉന്നയിച്ചത്. കേസ് വീണ്ടും പരിഗണിക്കുമെന്നും കോടതി അറിയിച്ചു. സിഎംആർഎൽ കമ്പനിക്ക് ധാതുമണൽ ഖനനത്തിന് നിയമവിരുദ്ധമായ സഹായങ്ങൾ ചെയ്തതിന് പ്രതിഫലമായി മുഖ്യമന്ത്രിയുടെ മകൾക്ക് മാസപ്പടി നൽകിയെന്നാണ് മാത്യുകുഴൽനാടന്റെ ആരോപണം. കമ്പനിക്ക് സഹായം നൽകിയതുമായി ബന്ധപ്പെട്ട ഒന്നലധികം ആരോപണങ്ങൾ ഹർജിക്കാരൻ കോടതിയിൽ ഉന്നയിച്ചിരുന്നു. വിജിലൻസ് അന്വേഷണത്തിന് ഉത്തരവിടണമെന്നാവശ്യപ്പെട്ട ഹർജിക്കാരൻ പിന്നീട് കോടതിയിൽ നിലപാട് മാറ്റിയിരുന്നു. കോടതി മേൽനോട്ടത്തിൽ അന്വേഷണം വേണമെന്നായിരുന്നു നിലപാട് മാറ്റം. ഈ ആവശ്യത്തിലാണ് തിരുവനന്തപുരം വിജിലൻസ് കോടതി വിധി പറയുക. ഹർജിയിലെ ആരോപണങ്ങൾ മറ്റ് രണ്ട് കോടതികൾ പരിശോധിച്ച് തള്ളിതാണെന്നും, ആദായനികുതി സെറ്റിൽമെറ്റ് ബോർഡിൻറ് ഉത്തരവ് പുനഃപരിശോധിക്കാൻ വിജിലൻസിന് കഴിയില്ലെന്നും വിജിലൻസ് ഡയറക്ടർ കോടതിയിൽ വിശദമാക്കിയിട്ടുണ്ട്.
താങ്കളുടെ പഴയ പേര് ആവർത്തിക്കാൻ ഇടവരുത്തരുത്; രാഹുൽ ഗാന്ധിക്കെതിരെ പരിഹാസവുമായി മുഖ്യമന്ത്രി

കോഴിക്കോട്: കോൺഗ്രസ് നേതാവും വയനാട്ടിലെ യുഡിഎഫ് സ്ഥാനാർഥിയുമായ രാഹുൽ ഗാന്ധിക്കെതിരെ പരിഹാസവുമായി മുഖ്യമന്ത്രി പിണറായി വിജയൻ. താങ്കളുടെ പഴയ പേര് ആവർത്തിക്കാൻ ഇടവരുത്തരുതെന്ന് രാഹുൽ ഗാന്ധിയോട് മുഖ്യമന്ത്രി പറഞ്ഞു. രാഹുൽ ഗാന്ധിക്ക് നേരത്തെ ഒരു പേരുണ്ട്. അതിൽനിന്ന് മാറിയിട്ടില്ല എന്ന അവസ്ഥ ഉണ്ടാക്കരുത്. യാത്ര നടത്തിയപ്പോൾ കുറച്ചു മാറ്റം വന്നെന്നാണു കരുതിയതെന്ന് അദ്ദേഹം വ്യക്തമാക്കി. കേന്ദ്ര അന്വേഷണ ഏജൻസികൾ മുഖ്യമന്ത്രിയെ എന്തുകൊണ്ട് ചോദ്യം ചെയ്യുന്നില്ലെന്ന രാഹുലിന്റെ ചോദ്യത്തോടായിരുന്നു മുഖ്യമന്ത്രിയുടെ പ്രതികരണം. നിങ്ങളുടെ മുത്തശ്ശി ഈ രാജ്യമാകെ അടക്കിവാണിരുന്ന കാലം. അവരായിരുന്നു തങ്ങളെയൊക്കെ പിടിച്ച് ജയിലിലിട്ടത്. എത്രകാലം? ഒന്നര വർഷം. അന്വേഷണമെന്നും ജയിലെന്നും കേട്ടാൽ അശോക് ചവാനെ പോലെ പേടിച്ചു പോകുന്നവരല്ല താനടക്കമുള്ളവർ. ചോദ്യംചെയ്യൽ നേരിടാത്തവരല്ല തങ്ങളൊന്നും. സിപിഎം നേതാക്കളെ മൊഴിയെടുക്കാനെന്ന പേരിൽ ഇഡി വിളിച്ചുവരുത്തി അപമാനിക്കുകയാണ്. ഒന്നും ചോദിക്കാനില്ലാത്തതു കൊണ്ടു വിളിച്ചു വരുത്തിയിട്ട് മണിക്കൂറോളം വെറുതെയിരുത്തുകയാണെന്നും അദ്ദേഹം ആരോപിച്ചു. അന്വേഷണമെന്ന് കേട്ടപ്പോൾ തങ്ങളാരും ബോധംകെട്ടു പോയിട്ടില്ല. ജയിലും അന്വേഷണവും കേന്ദ്ര ഏജൻസിയും കാട്ടി വിരട്ടാൻ നോക്കരുത്. സിപിഎമ്മിനെ അപകീർത്തിപ്പെടുത്താൻ ആഗ്രഹിക്കുന്ന ചാനലുകൾക്കും ഇതു ഹരമായി മാറിയിട്ടുണ്ടെന്നും മുഖ്യമന്ത്രി കൂട്ടിച്ചേർത്തു.
യുഡിഎഫ്, എൽഡിഎഫ് മുന്നണികളിൽ ജനങ്ങൾക്ക് രാഷ്ടീയ വിശ്വാസം ഇല്ലാതായിരിക്കുന്നു; രാജ്‌നാഥ് സിംഗ്

കൊല്ലം: യുഡിഎഫിനും എൽഡിഎഫിനുമെതിരെ ആഞ്ഞടിച്ച് കേന്ദ്രമന്ത്രി രാജ്‌നാഥ് സിംഗ്. യുഡിഎഫ്, എൽഡിഎഫ് മുന്നണികളിൽ ജനങ്ങൾക്ക് രാഷ്ടീയ വിശ്വാസം ഇല്ലാതായിരിക്കുന്നുവെന്ന് അദ്ദേഹം പറഞ്ഞു. കേരളത്തിൽ സഹകരണ മേഖലയിൽ വലിയ അഴിമതി നടക്കുന്നു. കഴിഞ്ഞ ഏതാനും മാസങ്ങളായി നടത്തിയ അന്വേഷണത്തിൽ കേരളത്തിൽ നിന്ന് 90 കോടി അഴിമതി പണം കേന്ദ്രം പിടിച്ചെടുത്തിട്ടുണ്ടെന്നും അദ്ദേഹം വ്യക്തമാക്കി. രാജ്യത്ത് ആകെ ഇത്തരത്തിൽ 17000 കോടിരൂപയാണ് സർക്കാർ പിടിച്ചെടുത്തിരിക്കുന്നത്. ഇതെല്ലാം അർഹരായവർക്ക് തിരികെ നൽകി വരികയാണ്. കേന്ദ്രസർക്കാർ കേരളത്തിനോട് ഒരു വിവേചനവും കാണിച്ചിട്ടില്ലെന്നും കേരളത്തിൽ നിന്ന് കൂടുതൽ ആളുകളെ പാർലമെന്റിലേക്ക് എത്തിക്കുകയാണ് പ്രധാനമന്ത്രിയുടെ ലക്ഷ്യമെന്നും രാജ്‌നാഥ് സിംഗ് അറിയിച്ചു. കേരളത്തിന്റെ വികസനത്തിനു വേണ്ടി അവർക്ക് ഒരുപാട് കാര്യങ്ങൾ ചെയ്യാൻ സാധിക്കും. അന്താരാഷ്ട വിഷയങ്ങളിൽ ഭാരതത്തിന്റെ നിലപാടിനായി ലോകം ഉറ്റുനോക്കുകയാണെന്നും കേന്ദ്രമന്ത്രി കൂട്ടിച്ചേർത്തു.