കുട്ടികളിലെ മാനസിക സംഘര്ഷം ലഘൂകരിക്കാന് കേരളാ പൊലീസ് ആരംഭിച്ച ചിരി പദ്ധതി പരിചയപ്പെടുത്തി വ്ളോഗര് ശങ്കരന്. കോവിഡ് വ്യാപനത്തെത്തുടര്ന്ന് വീട്ടില് തുടരാന് നിര്ബന്ധിതരായ കുട്ടികള്ക്ക് ആശ്വാസം പകരുന്നതിനായാണ് പദ്ധതിക്ക് തുടക്കം കുറിച്ചത്. ചിരിയുടെ 9497900200 എന്ന ഹെല്പ് ലൈന് നമ്പരിലേക്ക് കുട്ടികള് മാത്രമല്ല അധ്യാപകരും മാതാപിതാക്കളും കുട്ടികളുടെ പ്രശ്നങ്ങളുമായി വിളിക്കുന്നു.
ഓണ്ലൈന് പഠനത്തിന്റെ ബുദ്ധിമുട്ടുകള്, കൂട്ടുകാരെ കാണാനും സംസാരിക്കാനും കളിക്കാനും കഴിയാത്തതിന്റെ വിഷമം, കുടുംബവഴക്ക്, പഠനോപകരണങ്ങളുടെ ലഭ്യതക്കുറവ് എന്നിവയാണ് പ്രധാനമായും കുട്ടികള് ചിരിയുടെ കോള് സെന്ററുമായി പങ്ക് വയ്ക്കുന്നത്. മാനസിക പ്രശ്നങ്ങളുള്ള കുട്ടികള്ക്ക് ടെലിഫോണിലൂടെ കൗണ്സലിങ്ങും നല്കുന്നുണ്ട്.