ന്യൂഡല്ഹി: പ്ലസ് വണ് പരീക്ഷ റദ്ദാക്കണമെന്ന ഹര്ജിയില് ചൊവ്വാഴ്ച വിവരമറിയിക്കണമെന്ന് കേരള സര്ക്കാരിനോട് നിര്ദ്ദേശിച്ച് സുപ്രിംകോടതി. ഒരാഴ്ചത്തെ സമയം കൂടി അനുവദിക്കണമെന്ന് സര്ക്കാര് ആവശ്യപ്പെട്ടെങ്കിലും അനുവദിക്കാനാവില്ലെന്ന് കോടതി അറിയിച്ചു.സര്ക്കാര് നിലപാട് അറിയിച്ചില്ലെങ്കില് ഹര്ജിയില് ഉത്തരവ് പുറപ്പെടുവിക്കുമെന്ന് കോടതി വ്യക്തമാക്കി.സെപ്തംബര് ആറ് മുതല് 16 വരെ പ്ലസ് വണ് പരീക്ഷ നടത്താനാണ് സര്ക്കാരിന്റെ തീരുമാനം.
എന്നാല് കോവിഡ് പശ്ചാത്തലം ചൂണ്ടിക്കാട്ടി വിദ്യാര്ത്ഥികളും മാതാപിതാക്കളും സുപ്രീം കോടതിയെ സമീപിക്കുകയായിരുന്നു. പന്ത്രണ്ടാം ക്ലാസ് പരീക്ഷ റദ്ദാക്കണമെന്ന ഹര്ജിയിലും നാളെ വിശദമായ വാദം കേള്ക്കുമെന്ന് സുപ്രീം കോടതി അറിയിച്ചു. ആസം, പഞ്ചാബ്, ത്രിപുര എന്നീ സംസ്ഥാനങ്ങള് പരീക്ഷ റദ്ദാക്കാന് തീരുമാനിച്ചിട്ടുണ്ട്.