തിരുവനന്തപുരം: രാജ്യത്ത് ഒരു ദിവസത്തെ കോവിഡ് കേസുകള് ഏകദേശം രണ്ടരലക്ഷമാണെന്നും മരണസംഖ്യ 3700 ന് അടുത്തെത്തിയെന്നും മുഖ്യമന്ത്രി പിണറായി വിജയന്. ഇനിയുള്ള മൂന്നാഴ്ചകള് നിര്ണായകമാണെന്നും അദ്ദേഹം പറഞ്ഞു.
രാജ്യത്ത് ഏറ്റവും കൂടുതല് കേസുകള് റിപ്പോര്ട്ട് ചെയ്യപ്പെടുന്ന സംസ്ഥാനങ്ങളിലൊന്നാണ് കേരളം. കേസുകളുടെ എണ്ണം കുറയുന്നുണ്ടെങ്കിലും വരും ദിവസങ്ങളില് കേരളത്തില് മരണസംഖ്യ ഉയരുമെന്നാണ് ആരോഗ്യവിദഗ്ദ്ധരുടെ അഭിപ്രായം. മെയ് 12ന് ആയിരുന്നു രണ്ടാമത്തെ തരംഗത്തില് ഏറ്റവും കൂടുതല് കേസുകള് റിപ്പോര്ട്ട് ചെയ്യപ്പെട്ടത്.എല്ലാ ആശുപത്രികളിലും ആവശ്യത്തിന് വെന്റിലേറ്ററുകള്്, ഓക്സിജന്് ലഭ്യത, ഐസിയു കിടക്കകള് എന്നിവയെല്ലാം ഉണ്ടെന്ന് ഓരോ ജില്ലാ കളക്ടര്മാരുടേയും നേതൃത്വത്തില് അടിയന്തരമായി ഉറപ്പിക്കേണ്ടതാണ് എന്ന് നിര്ദേശിച്ചിട്ടുണ്ട്. അടച്ചിട്ട മുറികളിലാണ് ഏറ്റവും എളുപ്പത്തില് കോവിഡ് വ്യാപിക്കുകയെന്ന് പഠനങ്ങളില് നിന്ന് വ്യക്തമായിട്ടുണ്ട്. തൊഴിലിടങ്ങളില് എസി പ്രവര്ത്തിപ്പിക്കാതെ ഇരുന്നതുകൊണ്ട് മാത്രം കാര്യമുണ്ടാകില്ല. അതോടൊപ്പം ഫാനുകളും വായു പുറന്തള്ളാന് സഹായിക്കുന്ന എക്സ്ഹോസ്റ്റ് ഫാനുകളും ഉപയോഗിക്കേണ്ടതുണ്ട്. വര്ക്ക് ഫ്രം ഹോം സംവിധാനങ്ങള് പ്രായോഗികമല്ലാത്ത മാധ്യമസ്ഥാപനങ്ങള് പോലുള്ളവ ഇക്കാര്യം പ്രത്യേകം ശ്രദ്ധിക്കണമെന്ന് അഭ്യര്ത്ഥിക്കുന്നുവെന്നും മുഖ്യമന്ത്രി വാര്്ത്താ സമ്മേളനത്തില് പറഞ്ഞു.
2021-05-22