തിരുവനന്തപുരം: നമ്മുടെ നാട്ടില് എന്തും വിളിച്ച് പറയാന് തയ്യാറായി നടക്കുന്ന ചില അസംബന്ധ പ്രചാരകരുണ്ടെന്നും ഇസ്രായേലില് കൊല്ലപ്പെട്ട സൗമ്യയുടെ കുടുംബത്തിന്റെ വേദനയില് നാട് ഒന്നിച്ച് പങ്ക് ചേര്ന്നതാണെന്നും മറിച്ചുള്ള ആരോപണങ്ങള് ശരിയല്ലെന്നും മുഖ്യമന്ത്രി പിറായി വിജയന്. ഞങ്ങളാണ് ആ കുടുംബത്തിന്റെ ആളുകള് എന്ന് പറഞ്ഞു നടക്കാന് നമ്മുടെ നാട്ടിലെ ബിജെപി നേതാക്കന്മാര്് തയ്യാറായിട്ടുണ്ട്. അവരുടെ വാക്കുകളാണ് ഈ പറയുന്ന സ്വരത്തിലൂടെ കേള്ക്കാന് കഴിയുന്നത്. ആ കുടുംബത്തിന്റെ വേദനയില് നമ്മളെല്ലാം പങ്കുവഹിച്ചതാണെന്നും നാടാകെ ആ കുടുംബത്തോടൊപ്പവുമാണെന്നും മുഖ്യമന്ത്രി പറഞ്ഞു. ന്യൂനപക്ഷക്ഷേമവകുപ്പ് കൈകാര്യം ചെയ്യുന്നതിനെ എതിര്ത്ത മുസ്ലിംലീഗ് നേതാക്കള്ക്കും മുഖ്യമന്ത്രി പിണറായി വിജയന് വാര്ത്താസമ്മേളനത്തില് മറുപടി നല്കി. മുസ്ലീംലീഗ് അല്ല വകുപ്പ് നിശ്ചയിക്കുന്നതെന്നും മുസ്ലിം ജനവിഭാഗം ന്യൂനപക്ഷ വിഭാഗമാണെന്നും അവര്ക്ക് എന്നിലും സര്ക്കാരിലും വിശ്വാസമുണ്ടെന്ന കാര്യം എല്ലാവര്ക്കും അറിയാമെന്നും മുസ്ലിം ലീഗിനല്ല മുസ്ലിം ജനവിഭാഗത്തിന്റെ അട്ടിപ്പേറ് അവകാശം. അത് പേരില് മാത്രമേയുള്ളുവെന്നും മുഖ്യമന്ത്രി പറഞ്ഞു.പൊതുവായ ആലോചനക്കിടെ ന്യൂനപക്ഷ ക്ഷേമ വകുപ്പ് മുഖ്യമന്ത്രി കൈകാര്യം ചെയ്യുന്നതാണ് നല്ലതെന്ന പൊതുവായ അഭിപ്രായം വന്നു. ന്യൂനപക്ഷ ക്ഷേമ വകുപ്പ് മുഖ്യമന്ത്രി തന്നെ കൈകാര്യം ചെയ്യുന്നതിനെ എല്ലാവരും സ്വാഗതം ചെയ്യുന്നുവെന്നാണ് തനിക്ക് അറിയാന് കഴിഞ്ഞത്. ഏതെങ്കിലും വിഭാഗത്തിന് ഇക്കാര്യത്തില് ആശങ്കയുണ്ടെന്ന് തോന്നുന്നില്ലെന്ന് വാര്ത്താ സമ്മേളനത്തിനിടെ ചോദ്യത്തിന് മറുപടിയായി മുഖ്യമന്ത്രി പറഞ്ഞു.
2021-05-22